"ვლადიმერ ჟირინოვსკის თავის ტვინის ანთება დაუდგინდა" - რა ინფორმაცია ვრცელდება რუსულ მედიაში
რუსეთის "ლიბერალ-დემოკრატიული პარტიის" ლიდერის, ვლადიმერ ჟირინოვსკის ჯანმრთელობის მდგომარეობის შესახებ რუსულ მედიაში ურთიერთგამომრიცხავი ინფორმაციები ვრცელდება. ამჯერად lenta.ru წერს, რომ ჟირინოვსკის თავის ტვინის ანთება დაუდგინდა.. თავის მხრივ კი, გამოცემა "ტელეგრამის" არხზე "112-"-ზე გამოქვეყნებულ ინფორმაციას ეყრდნობა.
"ტელეგრამზე" გავრცელებული ცნობის თანახმად, პოლიტიკოსის ჯანმრთელობის მდგომარეობა სტაბილურად მძიმეა და ის ექიმების მუდმივი მეთვალყურეობის ქვეშაა. ჟირინოვსკის ჟანგბადი შესაბამისი აპარატის საშუალებით მიეწოდება.
lenta.ru-ს ინფორმაციით, რუსეთის ჯანდაცვის სამინისტრო პოლიტიკოსის მდგომარეობასთან დაკავშირებით განსხვავებულ ინფორმაციას ავრცელებს და მას სტაბილურს უწოდებს. უწყების ცნობით, ექიმები მას ყველა საჭირო სამედიცინო დახმარებას უწევენ
ამასთან, რამდენიმე დღის წინ "რია ნოვოსტი" წერდა, რომ პოლიტიკოსი ახლობლებს ვეღარ სცნობს. აღნიშნული ინფორმაცია ჟირინოვსკის პარტიაში კატეგორიულად უარყვეს და სპეციალური განცხადებაც გაავრცელეს. -0:06 "კატეგორიულად უარვყოფთ ინფორმაციას, რომ ვლადიმერ ჟირინოვსკი ახლობლებს ვეღარ ცნობს,“- აცხადებდნენ "ლიბერალ-დემოკრატიულ პარტიაში." განხადებაში ასევე აღნიშნული იყო, რომ მედიაში გავრცელებული ინფორმაცია ჟირინოვსკის ჯანმრთელობის მდგომარეობის შესახებ "საგრძნობლად გაზვიადებულია და სენსაციურ ეფექტზეა ორიენტირებული."
რუსეთის ჯანდაცვის სამინისტროს ინფორმაციით, ვლადიმერ ჟირინოვსკი საავადმყოფოში 2 თებერვალს მოათავსეს კორონავირუსის ომიკრონის შტამით გამოწვეული გართულებების გამო.