კანადაში ადგილობრივი ინდიელები ფულად კომპენსაციას მიიღებენ- რა ოდენობის თანხას მისცემენ პირებს, რომლებიც სკოლა-პანსიონებში ცხოვრობდნენ | Allnews.Ge

კანადაში ადგილობრივი ინდიელები ფულად კომპენსაციას მიიღებენ- რა ოდენობის თანხას მისცემენ პირებს, რომლებიც სკოლა-პანსიონებში ცხოვრობდნენ

კანადაში პირები, რომლებიც აბორიგენებისათვის განკუთვნილ სკოლა-პანსიონებში ცხოვრობდნენ, კომპენსაციით სახით 40 000 კანადურ დოლარს (31 000 აშშ დოლარი) მიიღებენ. ამისათვის ქვეყნის ბიუჯეტიდან 40 მილიარდ კანადურ დოლარზე მეტი გამოიყოფა.

BBC-ის ინფორმაციით, კომპენსაციას მიიღებს თითოეული ადგილობრივი ინდიელი, რომელიც ოჯახს იძულებით მოაშორეს და სკოლა-პანსიონში გადაიყვანეს, სადაც საკმაოდ მკაცრ პირობებში უწევდათ ცხოვრება.

cq5damthumbnailcropped750-1639458981.422.jpeg

”ფული არ ნიშნავს სამართლიანობას, თუმცა, ის მიანიშნებს, რომ ჩვენ სწორი გზით მივდივართ. შემოთავაზებული კომპენსაციის პაკეტის მოცულობა არის იმის მაგალითი, თუ რამდენი ჩვენი შვილი განდევნეს ოჯახებიდან და თემებიდან,”- განაცხადა როზეენ არჩიბალდმა, „პირველი ერების“ ასამბლეის ეროვნულმა ხელმძღვანელმა.

კანადაში სკოლა-პანსიონები 1863-დან 1998 წლამდე ფუნქციონირებდა. ათწლეულების მანძილზე ქვეყანაში ევროპელების დასახლებასა და ტერიტორიების ათვისებასთან ერთად ადგილობრივი ინდიელების ასიმილაციის პროცესი მიმდინარეობდა.

download-1639458995.jpg

საერთო ჯამში მსგავს პანსიონებში 150 000-ზე მეტი ადგილობრივი ინდიელი სწავლობდა. ძალადობისა და ცუდი პიროებების გამო პანსიონებში ბავშვების გარდაცვალების შემთხვევები ხშირიად ხდებოდა.