ბიჭი, რომელიც 10 წლის წინ ქუჩაში ნივთების გაყიდვით ირჩენდა თავს, დღეს NBA-ს ჩემპიონია - იანის ანტეტოკუმპოს რთული გზა წარმატებისკენ | Allnews.Ge

ბიჭი, რომელიც 10 წლის წინ ქუჩაში ნივთების გაყიდვით ირჩენდა თავს, დღეს NBA-ს ჩემპიონია - იანის ანტეტოკუმპოს რთული გზა წარმატებისკენ

50 წლის შემდეგ პირველად, "მილოუკი ბაქსი" NBA-ს ჩემპიონი გახდა და ამ გამარჯვებაში უდიდესი როლი ითამაშა 26 წლის ბერძენმა კალათბურთელმა იანის ანტეტოკუმპომ.

"ბაქსმა" "ფინიქს სანსთან" ორთაბრძოლა 105:98 მოიგო და აქედან ბერძენის ანგარიშზე რეკორდული 50 ქულა, 14 მოხსნა და 5 დაფარებაა.

იანისის შთამბეჭდავ თამაშს და "მილოუკი ბაქსის" ჩემპიონობას სოციალურ ქსელში გამოეხმაურა საქართველოს ეროვნული ნაკრების ყოფილი კაპიტანი, "გოლდენ სტეიტის" რიგებში ორი საჩემპიონო ბეჭდის მფლობელი და ყოფილი "ბაქსელი" ზაზა ფაჩულია:

pachuliaante-1626954035.jpg

"24 წლის - MVP

25 წლის - MVP/Defensive player of the year

26 წლის - NBA Champ/Finals MVP

ეს ახალგაზრდა 10 წლის წინ, ათენის ქუჩებში ნივთების გაყიდვით ირჩენდა თავს. დღეს კი ის NBA-ს ჩემპიონია! ცხოვრებაში ყველაფერი შესაძლებელია!" - დაწერა ფაჩულიამ "ფეისბუქზე".

იანის ანტეტოკუმპომ წარმატებისკენ მართლაც რთული გზა გაიარა. იანის ადეტოკუნბო საბერძნეთში, ათენში დაიბადა 1994 წლის 6 დეკემბერს. მისი მშობლები ნიგერიელი ემიგრანტები იყვნენ და იანისის დაბადებამდე სამი წლით ადრე ჩავიდნენ ათენში ლაგოსიდან, სადაც პირველი შვილი ფრანსისი დატოვეს ბებია-ბაბუასთან.

giannisantetokounmpofamily-1626954052.jpg

იანისის მშობლებს საბერძნეთში კიდევ სამი ვაჟი ეყოლათ, თუმცა არც ერთ ახალშობილს არ მისცეს ბერძნული მოქალაქეობა ქვეყნის კანონებიდან გამომდინარე. 18 წლამდე ადეტოკუნბოს ქვეყნიდან გასვლაც კი არ შეეძლო, რადგან არც ბერძნული და არც ნიგერიული საბუთები არ ჰქონია, რომელიც მის ვინაობას დაადასტურებდა.

საბერძნეთის მოქალაქეობა იანისმა მხოლოდ 2013 წელს მიიღო, ორი თვით ადრე იქამდე, სანამ NBA-ს დრაფტზე წარდგებოდა.

giannisantetokounmpodraft-1626954085.jpg

მოქალაქეობის მიღების შემდეგ იანისმა გვარიც შეიცვალა და ადეტოკუნბო გახდა ანტეტოკუმპო - უფრო მიახლოებული ბერძნულ გვართან. რადგან მისი გვარის წარმოთქმა ამერიკელებს უჭირდათ, NBA-ში გამოჩენისთანავე იანისს მეტსახელი Greek Freak შეარქვეს, რაც ითარგმნება როგორც ცელქი, ჟინიანი ბერძენი.

antetokounmpo-1626954067.jpg

ახალგაზრდა კალათბურთელს მძიმე ბავშვობა ჰქონდა - მისი ემიგრანტი მშობლები ხშირად უმუშევრები იყვნენ, ამიტომ იანისსა და მის ძმებს უწევდათ ათენის ქუჩებში, ჩანთებისა და სათვალეების გაყიდვით ერჩინათ თავიც და ოჯახიც. ახლა, ბერძენი ვარსკვლავის წლიური ხელფასი 45 მილიონზე მეტია.

antetokounmpoojaxi-1626954299.jpg

giannisantetokounmpobotasi-1626954116.jpg

"იმედი მაქვს, შევძლებ ადამიანებს მსოფლიოშ მივცე იმედი, რომ ყველაფერი გამოვა. ჩემი ოჯახი ქუჩაში ნივთებს ყიდდა, დღეს კი მწვერვალზე ვდგავარ" - თქვა იანისმა NBA-ში მოხვედრის შემდეგ.

myquiz