გერმანიისა და საფრანგეთის მატჩამდე მოედანზე აქტივისტი პარაპლანით სახიფათოდ დაეშვა - დაშავებულია რამდენიმე ადამიანი: რას აპროტესტებდა მამაკაცი
ევროპის ჩემპიონატზე გუშინ საფრანგეთისა და გერმანიის ეროვნულ საფეხბურთო გუნდებს შორის მატჩი შედგა. თამაში ფრანგების გამარჯვებით, 1-0 დასრულდა. მატჩის დაწყებამდე რამდენიმე წუთით ადრე კი მოედანზე Greenpeace-ის აქტივისტი პარაპლანით დაეშვა.
ფანების ტრიბუნასთან პარაპლანი სახიფათოდ მოძრაობდა. როგორც "გარდიანი" წერს, უეფამ დაადასტურა, რომ შედეგად რამდენიმე ადამიანი დაშავდა და სხვადასხვა ტიპის ტრავმებით ისინი კლინიკაში გადაიყვანეს.
პარაპლანში იყო გარემოს დაცვის ორგანიზაციის, "გრინფისის" აქტივისტი, რომლის მიზანიც იყო, რომ საზოგადოებისთვის თავისი მესიჯი გაეცნო - "უარი ნავთობს“, - ეს იყო მისი მთავარი სათქმელი.
დაცვამ აქტივისტი მოედნიდან მალევე გაიყვანა და თამაშის დაწყებას ხელი არ შეშლია.
მოგვიანებით, "გრინფისმა" განცხადება გაავრცელა, სადაც ნათქვამი იყო, რომ აქტივისტს მიზნად ჰქონდა გაეპროტესტებინა ევრო 2020-ის სპონსორის, Volkswagen-ის დამოკიდებულება გარემოს დაცვის საკითხებთან დაკავშირებით.