პრინც ჰარისა და მეგან მარკლს გოგონა შეეძინათ - რა დაარქვეს ახალშობილს
პრინცი ჰარი და მეგან მარკლი მეორე შვილის მშობლები გახდნენ. გოგონას ლილიბეტ დაიანა ჰქვია. მისი სრული სახელი და გვარი კი ასე ჟღერს - ლილიბეტ ლილი დაიანა მაუნტმატე-უინძორი.
აღნიშნულის შესახებ ინფორმაციას BBC-ი აქვეყნებს.
გოგონა პარასკევს, 11:40 საათზე, კალიფორნიის სანტა ბარბარას საავადმყოფოში დაიბადა.
"დედა და შვილი ჯანმრთელები არიან და კარგად გრძნობენ თავს“,- ნათქვამია წყვილის განცხადებაში
ჰარისა და მეგანის პირველი შვილი, არჩი ორი წლისაა. ბრიტანული სამეფო ოჯახის წარმომადგენლები აშშ-ში, სამეფო ოჯახისგან დამოუკიდებლად ცხოვრობენ.