გაიცანით ულამაზესი ქართველი გოგონა, რომელიც ისრაელის არმიაში მსახურობს
რამდენიმე დღეა მსოფლიოს ყურადღების ცენტრშია ისრაელისა და პალესტინის შეიარაღებული კონფლიქტი. ღაზას სექტორიდან ისრაელის მიმართულებით, სამი დღის განმავლობაში 1 000-ზე მეტი რაკეტა და საარტილერიო ჭურვი ისროლეს. ათობით ადამიანის მსხვერპლია ორივე მხარეს.
ისრაელში იმყოფებიან საქართველოს მოქალაქეებიც, მათ შორის ახალგაზრდები, რომლებიც იქაურ ჯარში მსახურობენ. ერთ-ერთი მათგანია 20 წლის სალი ნასყიდაშვილი. ყველაფერი კი 2017 წელს დაიწყო, როდესაც ერთ ზაფხულს გოგონამ ისრაელის მიწაზე დადგა ფეხი. მაშინ ბლოგზე marksmanliveblog.wordpress.com გამოქვეყნებულ სტატიაში ვკითხულობთ:
"თავიდან მოსიარულე ჯარისკაც გოგონებს რომ ვხედავდი, რომლებიც მანამდე მხოლოდ ვიდეოებში თუ ფოტოებში მინახავს, მიკვირდა, ცოტა უჩვეულო იყო და თან საოცრად მომწონდა, თვალიც მიეჩვია და ნელ-ნელა უფრო და უფრო მიმზიდველები ხდებოდნენ ჩემთვის ისინი. ვერ ვიტყვი უდიდესი სურვილი მაქვს ჯარში წასვლისთქო, ისიც იმიტომ რომ ჯერ კიდევ ვერ აღვიქვამ ისრაელს საკუთარ სახლად, მაგრამ დარწმუნებული ვარ ფიზიკურად, მორალურად, მატერიალურად, არაჩვეულებრივი ადგილია ჯარი…
ისრაელის ყველა მოქალაქეს ევალება ჯარში სამსახური და დიახ, ყველაზე მეტად იმას ვაფასებ, რომ ქვეყნის სიყვარულს ისინი გამოხატავენ საქმითა და სიტყვებით ერთდროულად, არ ცდილობენ ჯარს თავი აარიდონ, პირიქით, იბრძვიან მალე წავიდნენ, სამხედრო ბიუჯეტი 9 მლრ დოლარს შეადგენს" - წერდა 2017 წელს სალი.
2021 წელს ნასყიდაშვილი უკვე ისრაელის მოქალაქეა და ის სავალდებულო ჯარში რამდენიმე თვის წინ წავიდა. გოგონა ისრაელში, ქალაქ ხაიაფში იმყოფება. ჯერჯერობით საბროლო ოპერაციებში ჩართული არ არის, მაგრამ "ტვ პირველთან" ინტერვიუში აღნიშნავს, ოჯახს ამშვიდებს და ამბობს:
"საკმაოდ რთული ვითარებაა იმიტომ, რომ ეს არაბები უფრო საშიშები არიან, ვიდრე ეს ბომბდამშნები, იმიტომ, რომ ჩვენ გვაქვს "რკინის გუმბათები", რომლებითაც ვახერხებთ ამ ბომბების მოგერიებას. არაბების მოგერიება უფრო რთულია, აბსოლუტურად უკონტროლოები არიან"- ამბობს ქართველი ჯარისკაცი.
გოგონას თბილისელი მეგობარი გვიყვება:
"სალის ბავშვობიდან ვიცნობ, ერთად ვთამაშობდით ხოლმე. თავისზე უმცროსი ძმა ჰყავს, საერთოდ ძალიან კარგი ოჯახია. სალი ისეთი თბილი გოგოა, ძალიან საყვარელი. ისრაელში რამდენიმე წლის წინ გადავიდა ოჯახი საცხოვრებლად და დღეს უკვე მოქალაქეები არიან. ძალიან ვნერვიულობთ ეს დღეები სალიზე, სულ ველოდებით რას დაწერს, რას მოგვწერს. არ ვიცით რა იქნება" წაიკითხეთ ვრცლად და ნახეთ ფოტოები