"100 მილიონი ვაქცინაცია ჩემი პრეზიდენტობის პირველი 100 დღის განმავლობაში"- ჯო ბაიდენი
აშშ-ის არჩეულმა პრეზიდენტმა ჯო ბაიდენმა განაცხადა, რომ პრეზიდენტის მოვალების შესრულების ოფიციალურად დაწყებიდან პირველი 100 დღის განმავლობაში აშშ-ში კორონავირუსის საწინააღმდეგო ვაქცინის 100 მილიონი დოზა იქნება ხელმისაწვდომი.
„ჩემი პრეზიდენტობის პირველი 100 დღის განმავლობაში კოვიდ 19-ის ვირუსი არ დასრულდება, ამის დაპირება არ შემიძლია. ჩვენ მისგან თავს სწრაფად ვერ დავაღწევთ, თუმცა პირველი 100 დღის განმავლობაში ჩვენ შეგვიძლია, დაავადების კურსი და ამერიკაში ცხოვრება უკეთესობისკენ შევცვალოთ. 100 მილიონი ვაქცინაცია პირველი 100 დღის განმავლობაში,“- განაცხადა ჯო ბაიდენმა დელავერში გამართულ პრესკონფერენციაზე, სადაც მან ჯანდაცვის სფეროს გუნდი ოფიციალურად წარადგინა.
ამასთან, არჩეულმა პრეზიდენტმა აღნიშნა, რომ ვირუსის გავრცელების პრევენციის მიზნით ის ამერიკელებს 100 დღის განმავლობაში პირბადეების ტარებას სთხოვს. ჯო ბაიდენმა პირველი 100 დღის პრიორიტეტად სკოლების უმეტესობის გახსნაც დაასახელა.