6 გარდაცვლილი, ასობით განადგურებული სახლი- რა ხდება კალიფორნიაში, სადაც რამდენიმე დღეა ხანძარი მძვინვარებს
კალიფორნიის ჩრდილოეთ და ცენტრალურ ნაწილში უკვე რამდენიმე დღეა ძლიერ ხანძრებს ებრძვიან.
BBC-ის ინფორმაციით, სტიქიურ უბედურებას სულ მცირე 6 ადამიანი ემსხვერპა. ძლიერი დაკვამლიანების გამო ქალაქ სან-ფრანცისკოში მცხოვრები ათასობით ადამინი იძულებული გახდა სახლები დაეტოვებინა და დროებით თავშესაფარში გადასულიყო.
გამოცემის ცნობით, ცეცხლმა შტატში ასობით შენობა გაანადგურა და კიდევ ათასობით მათგანს საფრთხე ემუქრება. შტატში ხანძრის ჩაქრობას 10 000-ზე მეტი მეხანძრე და ათობით ვერტმფრენი ცდილობს.
გავრცელებული ვერსიით, კალიფორნიაში ცეცხლის გაჩენის მიზეზი მეხის დაცემა გახდა.
