მსოფლიოში კორონავირუსით ინფიცირებულთა რადენობამ 20 მილიონს გადააჭარბა
მსოფლიოში კორონავირუსით ინფიცირებულთა რადენობამ 20 მილიონს გადააჭარბა, - შესაბამის მონაცემებს ჯონს ჰოპკინსის უნივერსიტეტი ავრცელებს.
ამასთან, მსოფლიოში კოვიდ-19-ს მინიმუმ 733 897 ადამიანის სიცოცხლე ემსხვერპლა.
ყველაზე მეტი ინფიცირებული და დაღუპული შეერთებულ შტატებშია, სადაც კორონავირუსის 5 085 821 შემთხვევაა დადასტურებული, დაღუპულთა რიცხვი კი - 163 370-ია. მეორე ადგილზე ბრაზილიაა, სადაც კოვიდ 19-ის 3 057 450 შემთხვევაა დადასტურებული, დაღუპულთა რაოდენობა კი - 101 752-ია.
მათ ინდოეთი, რუსეთი და სამხრეთ აფრიკა მოჰყვებიან.