კორონავირუსის შემთხვევები ყველაზე სწრაფი ტემპით ლათინური ამერიკის ქვეყნებში იზრდება
ლათინური ამერიკის ქვეყნებში კორონავირუსით დაღუპულთა რაოდენობამ 70 000-ს გადააჭარბა, - ამის შესახებ ინფორმაციას "როიტერსი" ავრცელებს.
სააგენტოს ცნობით, ბრაზილიაში ვირუსს 40 000-მდე ადამიანის სიცოცხლე ემსხვერპლა, საიდანაც 1 274 ფატალური შემთხვევა ბოლო 24 საათის განმავლობაში დადასტურდა. კოვიდ-19-ით გარდაცვლილთა რაოდენობით ქვეყანა მესამე ადგილზეა მსოფლიოში აშშ-სა და დიდი ბრიტანეთის შემდეგ.
კორონავირუსის შემთხვევების რეკორდული ზრდა დაფიქსირდა მექსიკაში, სადაც ბოლო 24 საათში კოვიდ 19-ის 4 883 შემთხვევა დადასტურდა და 708 ადამიანი დაიღუპა. საერთო ჯამში კი ქვეყანას 129 184 დაინფიცირებული და 15 357 დაღუპული ჰყავს.
ბრაზიილსა და მექსიკის გარდა კორონავირუსის შემთხვევბი განსაკუთრებით გაიზარდა პერუსა და ჩილეშიც.