7 აგვისტოდან ირანის წინააღმდეგ აშშ-ის სანქციების პირველი ეტაპი ამოქმედდება
7 აგვისტოდან აშშ იწყებს ირანის წინააღმდეგ სანქციების აღდგენის პირველ ეტაპს, რომელიც 2016 წლის იანვარში ბირთვული შეთანხმების შემდეგ გაუქმდა. სამშაბათიდან აღდგება შეზღუდვები თეირანთან ოქროსა და სხვა ძვირფას მეტალზე ვაჭრობაზე, ასევე ირანის ხელისუფლებისთვის დოლარის მიყიდვაზე. ამის შესახებ დღეს ამერიკის ადმინისტრაციაში ჟურნალისტებს განუცხადეს.
მათი განმარტებით, სანქციების ამოქმედების მეორე ეტაპი 5 ნოემბრიდან დაიწყება. "პრეზიდენტმა გაავრცელა ახალი ბრძანება ირანთან დაკავშირებით, რომელიც სანქციების განახლებას გულისხმობს", - განაცხადეს ადმინისტრაციაში და დასძინეს, რომ აღნიშნული დოკუმენტი წარმოადგენს პრეზიდენტის მიერ გაცხადებული პოლიტიკის გაგრძელებას თეირანზე ზეწოლის განხორციელების შესახებ.
მათივე ცნობით, ამგვარად, ამერიკას სურს ირანის ისლამურ რესპუბლიკასთან მიაღწიოს ახალ შეთანხმებას, რომელიც შეძლებდა ამ სახელმწიფოს მხრიდან არსებული საფრთხის ნიველირებას.