საბერძნეთში მომხდარი ძლიერი ხანძრის გამო მოქალაქეთა დაცვის მინისტრი გადადგა
საბერძნეთის მოქალაქეთა დაცვის მინისტრმა, რომელიც პოლიციასა და სამაშველო სამსახურზეა პასუხისმგებელი, ქვეყანაში მომხდარი ძლიერი ხანძრის გამო, რომელსაც 91 ადამიანი ემსხვერპლა, თანამდებობა დატოვა.
მისი თქმით, ხანძრის შედეგად ასეთი რაოდენობის ადამიანების გარდაცვალების შემდეგ თანამდებობაზე ვერ დარჩება. მან თანამდებობიდან წასვლის შესახებ განცხადება ქვეყნის პრემიერმინისტრს მომხდარი ტრაგედიის შემდეგ სთხოვა, თუმცა ალექსის ციპრასმა მისი თხოვნა არ დააკმაყოფილა.
ხანძარი საბერძნეთში, აღმოსავლეთ ათიკაში 23 ივლისს დაიწყო, რამაც 91 ადამიანი იმსხვერპლა, რამდენიმე ათეული ადამიანი ამ დრომდე დაკარგულად მიიჩნევა.