დომინიკის რესპუბლიკის სანაპიროზე პლასტმასის ბოთლების ტალღები გამოჩნდა
დომინიკის რესპუბლიკის სანაპიროზე პლასტმასის ბოთლების ტალღები გამოჩნდა.
CNN ავრცელებს ვიდეოს, სადაც ჩანს პლასტმასის ბოთლების ტალღები დომინიკის რესპუბლიკის სანაპიროზე. გავრცელებული ინფორმაციით, კადრები ქვეყნის დედაქალაქში, სანტო დომინგოში, მონტენსინოს პლაჟზეა გადაღებული.
გარემოს დამცველები ჯარისკაცებთან, პოლიციასთან და ქალაქის მერიის თანამშრომლებთან ერთად ცდილობენ, სანაპირო გაწმინდონ. სამუშაოებში საჯარო სამსახურების 500-მდე თანამშრომელია ჩართული.
სამდღიანი შრომის შემდეგ აქტივისტებმა 30 ტონა პლასტმასი მოაგროვეს, თუმცა ნაგავი ჯერ კიდევ ძალიან ბევრია.