ისრაელმა დამასკოს სამხრეთით მდებარე სამხედრო ბაზაზე სარაკეტო დარტყმები განახორციელა
ისრაელმა სირიაში, დამასკოს სამხრეთით მდებარე სამხედრო ბაზაზე სარაკეტო დარტყმები განახორციელა, - ამის შესახებ ინფორმაციას სირიული მედია ავრცელებს. ადგილობრივი მედიის ცნობით, სირიის საჰაერო თავდაცვის სისტემებმა ორი რაკეტა ჩამოაგდო. ისრაელის თავდაცვით ძალებში აღნიშნულთან დაკავშირებით კომენტარს არ აკეთებენ.
ისრაელმა ჩრდილოეთ საზღვრებთან თავისი შეიარაღებული ძალების მზადყოფნა გამოაცხადა, - ამის შესახებ ნათქვამია ისრაელის თავდაცვითი ძალების მიერ გავრცელებულ განცხდებაში. გარდა ამისა, მზადყოფნაშია ჰაერსაწინააღმდეგო სისტემები და ასევე გაიხსნა თავშესაფრები მოსახლეობისთვის.
"მას შემდეგ, რაც სირიაში ირანული ძალების უჩვეულო აქტივობა გამოვლინდა, ისრაელის თავდაცვითმა ძალებმა შეიარაღებული ძალების მზადყოფნის გამოცხადების გადაწყვეტილება მიიღო", - ნათქვამია განცხადებაში.