კანადელი მილიარდერი საკუთარ სახლში მკვდარი იპოვეს
კანადელი მილიარდერი ბარი შერმანი და მისი მეუღლე ჰანი ტორონტოში მდებარე საკუთარ სახლში გარდაცვლილები იპოვეს. სამართლადმცველები მათი გარდაცვალების საეჭვო გარემოებაზე მიუთითებენ.
ადგილობრივი მედიის ცნობით, მილიარდერი და მისი მეუღლე უძრავი ქონების აგენტმა გასაყიდად გატანილი სახლი სარდაფში იპოვა.
ბარი შერმანი კანადის უმსხვილესი ფარმაცევტული კომპანიის Apotex-ის დამაარსებელი და ხელმძღვანელი იყო.
პოლიციის მიერ გავრცელებულ ოფიციალურ განცხადებაში ნათქვამია, რომ სახლის გატეხვის არანაირი ნიშნები არ არსებობს. ადგილობრივი მედიის მიერ გავრცელებული ცნობით, სამართალდამცველებს სავარაუდო ეჭვმიტანილი ჯერ-ჯერობით არ ჰყავთ.
პოლიციის თანამშრომლებს გარდაცვლილთა ვინაობა ოფიციალურად არ დაუდასტურებით თუმცა გარდაცვლილთა ახლობლები და სხვა ოფიციალური პირები აღნიშნულ ამბავს უკვე გამოეხმაურნენ. ქვეყნის პრემიერ-მინისრმა, ჯასტინ ტრიუდომ, გარდაცვლილთა ოჯახის წევრებს "ტვიტერის" საკუთარი გვერდის საშუალებით მიუსამძიმრა.
გარდაცვლილებს ოთხი შვილი დარჩათ.