ერდოღანმა საერთაშორისო თანამეგობრობას იერუსალიმის პალესტინური სახელმწიფოს დედაქალაქად აღიარებისკენ მოუწოდა
თურქეთის პრეზიდენტმა რეჯეფ თაიფ ერდოღანმა საერთაშორისო თანამეგობრობას იერუსალიმის პალესტინური სახელმწიფოს დედაქალაქად აღიარებისკენ მოუწოდა.
ამის შესახებ მან "ისლამური თანამშრომლობის ორგანიზაციის" სამიტზე განაცხადა.
"ვთავაზობ ქვეყნებს, რომლებიც საერთაშორისო სამართალსა და სამართლიანობას ითხოვენ, იერუსალიმი პალესტინური სახელმწიფოს ოკუპირებულ დედაქალაქად აღიარონ", - განაცხადა ერდოღანმა.
"ქვეყნებმა, რომლებსაც პალესტინური სახელმწიფო ჯერ არ უღიარებიათ, უნდა გადადგან ეს მნიშვნელოვანი ნაბიჯი, რათა დაცული იყოს ბალანსი, რომელიც რეგიონში სამართლიანობას უზრუნველყოფს", - აღნიშნა თურქეთის პრეზიდენტმა.
"ისლამური თანამშრომლობის ორგანიზაციის" შემადგენლობაში 57 მუსლიმური ქვეყანა შედის.