ბოდრუმის სანაპიროსთან 4,9 მაგნიტუდის მიწისძვრა მოხდა
თურქეთში, ეგეოსის ზღვის აკვატორიაში, ბოდრუმის სანაპიროსთან 4,9 მაგნიტუდის სიმძლავრის მიწისძვრა დაფიქსირდა. ამის შესახებ თურქეთის საგანგებო სიტუაციების სამმართველოში განაცხადეს.
მიწისქვეშა ბიძგები ადგილობრივი დროით 10:42 საათზე დაფიქსირდა. მიწისძვრის ეპიცენტრი კი ბოდრუმიდან 9,09 კილომეტრში იყო.
დაშავებულების შესახებ და ნგრევაზე ინფორმაცია არ გავრცელებულა.