ბუდაპეშტში სტუდენტებისა და პროფესორ-მასწავლებლების აქცია გაიმართა
უნგრეთის დედაქალაქში მასშტაბური საპროტესტო აქცია გაიმართა. უცხოური მედიის ინფორმაციით, ათასობით სტუდენტი და პროფესორი მთავრობის მიერ მომზადებულ იმ კანონპროექტს აპროტესტებს, რომელიც ცენტრალური ევროპის უნივერსიტეტის დახურვას გამოიწვევს. აღნიშნული კანონპროექტის განხილვა პარლამენტში მიმდინარე კვირას იგეგმება.
მსვლელობა ბუდაპეშტის კორვინუსის უნივერსიტეტიდან პარლამენტის მიმართულებით მოეწყო. აქციის მონაწილეები მიიჩნევენ, რომ კანონი განათლების სისტემის დისკრედიტაციას ემსახურება.
