ილჰამ ალიევი - სამწუხაროდ, სომხეთი არ წყვეტს თავის დამპყრობლურ პოლიტიკას
მთიანი ყარაბაღში არსებული მდგომარეობა მიუღებელია, - განაცხადა აზერბაიჯანის პრეზიდენტმა ილჰამ ალიევმა პარიზში საფრანგეთის პრეზიდენტთან ფრანსუა ოლანდთან შეხვედრისას.
"სომხეთის სამხედრო აგრესიის შედეგად აზერბაიჯანის ტერიტორიის 20% ოკუპირებულია, ეთნიკური წმენდის პოლიტიკა განხორციელდა და მილიონზე მეტი ჩვენი თანამემამულე დევნილებად იქცა", - აღნიშნა აზერბაიჯანის პრეზიდენტმა.
ილჰამ ალიევის თქმით, ეს კონფლიქტი უნდა გადაიჭრას საერთაშორისო სამართლის ნორმებისა და აზერბაიჯანის ტერიტორიული მთლიანობის შესაბამისად.
"არსებული მდგომარეობა მიუღებელია.
საფრანგეთს არაერთხელ განუცხადებია ეს. სამწუხაროდ, სომხეთი ამის იგნორირებას ახდენს და არ წყვეტს თავის დამპყრობლურ პოლიტიკას. მთიანი ყარაბაღი აზერბაიჯანის ისტორიული მიწაა. ჩვენი ქვეყნის ტერიტორიული მთლიანობა არ შეიძლება მოლაპარაკებების საგანი იყოს", - აღნიშნა აზერბაიჯანის ლიდერმა.