სამხრეთ კორეის საკონსტიტუციო სასამართლომ პრეზიდენტის იმპიჩმენტს მხარი დაუჭირა
სამხრეთ კორეის საკონსტიტუციო სასამართლომ პრეზიდენტის პაკ კინ ხეს იმპიჩმენტს მხარი დაუჭირა. აღნიშნულ გადაწყვეტილებას მხარი დაუჭირა საკონსტიტუციო სასამართლოს 8 მოსამართლემ.
აღნიშნულის შემდეგ პრეზიდენტი პაკ კინ ხე საბოლოოდ ჩამოშორდება ქვეყნის მართვის სადავეებს. 60 დღის განმავლობაში ქვეყანაში ვადამდელი საპრეზიდენტო არჩევნები უნდა ჩატარდეს. რომ არა იმპიჩმენტი, საპრეზიდენტო არჩევნები 2018 წლის თებერვალში გაიმართებოდა.
იმპიჩმენტის მიზეზი გახდა ფაქტი, რომელიც ადგილობრივმა მედიამ გაასაჯაროვა და რომლის თანახმად, პრეზიდენტმა უფლება მისცა ახლო მეგობარს ცოი სუნ სილს ჩარეულიყო სახელმწიფო საქმეებში, მათ შორის საკადრო გადაწყვეტილებების მიღებაში.