ნეპალში ავარიის შედეგად 30 ადამიანი დაიღუპა
ნეპალში ავტოსაგზაო შემთხვევის შედეგად 30 ადამიანი დაიღუპა. როგორც "ბი-ბი-სი" ადგილობრივ ხელისუფლებაზე დაყრდნობით იტყობინება, ქვეყნის აღმოსავლეთში სამგზავრო ავტობუსი მდინარეში გადავარდა.
მედიკოსები არ გამორიცხავენ, რომ დაღუპულთა რაოდენობა კიდევ გაიზრდება, რადგან რამდენიმე დაშავებულის მდგომარეობა კრიტიკულია.
ტრაგედიის გამომწვევი მიზეზი ჯერჯერობით უცნობია.