პაკისტანში თვითმკვლელმა ტერორისტმა თავი საბავშვო სათამაშო მოედანთან აიფეთქა - დაიღუპა 70 ადამიანი
პაკისტანის ქალაქ ლაჰორში მომხდარ ტერაქტს 70-ზე მეტი ადამიანი ემსხვერპლა, მათ შორის 30 ბავშვი.
უცხოური მედიის ინფორმაციით, თვითმკვლელმა ტერორისტმა თავი ქალაქის ცენტრში მდებარე საბავშვო სათამაშო მოედნის მახლობლად აიფეთქა.
დაშავებულთა რიცხვმა 300-ს გადააჭარბა.
გავრცელებული ცნობით, დაიხურა სავაჭრო და გასართობი დაწესებულებები. გამკაცრდა უსაფრთხოების ზომები.
ტერაქტის გამო პროვინციაში სამდღიანი გლოვა გამოცხადდა.
ტერაქტზე პასუხისმგებლობა მოძრაობა "თალიბანის" ერთ-ერთმა ყოფილმა განშტოებამ აიღო. დაჯგუფება "ჯამაათ-ულ-აჰრარმა" განაცხადა, რომ მათ სამიზნეს ქრისტიანები წარმოადგენდნენ, რომლებიც აღდგომის დღესასწაულს აღნიშნავდნენ.