ბარაქ ობამამ კუბაში ისტორიული ვიზიტი დაიწყო
ბარაქ ობამამ კუბაში ისტორიული ვიზიტი დაიწყო. ეს არის აშშ-ის პრეზიდენტის პირველი ოფიციალური ვიზიტი ბოლო 88 წლის განმავლობაში.
ორდღიანი ვიზიტის ფარგლებში ობამა მოლაპარაკებებს კუბის ლიდერ რაულ კასტროსთან გამართავს.
როგორც "ბიბისი" წერს, განხილული იქნება სავაჭრო და პოლიტიკური რეფორმების საკითხები.
დასავლური მედიის თანახმად, ობამას ვიზიტის დაწყებამდე კუბაში 200-ზე მეტი ოპოზიციონერი დააკავეს, რომლებმაც პოლიტპატიმრების გათავისუფლების მოთხოვნით აქცია გამართეს.
აშშ-მ და კუბის რესპუბლიკამ დიპლომატიური ურთიერთობა 1961 წელს, ცივი ომის პერიოდში გაწყვიტეს.
აშშ-ის ბოლო პრეზიდენტი რომელიც კუბას ეწვია, კალვინ კულიჯი იყო, რომელიც იქ 1928 წელს ჩავიდა.