როგორ ცვლის იოგა ტვინს და კურნავს დაავადებებს - ახალი კვლევის შედეგები
-
იოგა ტვინის ნაცრისფერი ნივთიერების ზრდას იწვევს და მის მნიშვნელოვან ქსელებს ცვლის.
-
მეცნიერები ვარაუდობენ, რომ ამ პრაქტიკამ შეიძლება ადამიანების მენტალური ჯანმრთელობის გაუმჯობესებაში მნიშვნელოვანი როლი ითამაშოს.
იოგას ისტორია 2 000 წელზე მეტს ითვლის და ის ძველ ინდოეთში წარმოიშვა. დღეს მისი მრავალი ფორმა არსებობს - მედიტაციური იინ იოგიდან დინამიკურ ვინიასამდე. ყველა მათგანი მოძრაობის, სუნთქვისა და მედიტაციის საშუალებით სხეულსა და გონებას შორის კავშირს ამყარებს.
კვლევები აჩვენებს, რომ იოგა აუმჯობესებს ძალას, მოქნილობას და გულ-სისხლძარღვთა გამძლეობას. ის ზრდის სტამინასა და მოხერხებულობას, ამცირებს ტრავმის რისკს და სპორტულ შედეგებსაც აუმჯობესებს.
-
სარგებელი სხვადასხვა დაავადების დროს
მეცნიერებმა დაადგინეს, რომ იოგა დადებითად მოქმედებს მრავალ ჯანმრთელობის პრობლემაზე.
- ეპილეფსიით დაავადებულებში ის ამცირებს შეტევების რაოდენობას;
- გამოიყენება მეორე ტიპის დიაბეტის მართვაში;
- ამცირებს ქრონიკულ ტკივილს;
- ეხმარება ინსულტის შემდეგ რეაბილიტაციას;
- აუმჯობესებს ცხოვრების ხარისხს გაფანტული სკლეროზის დროს;
- შესაძლოა სასარგებლო იყოს კიბოს გადატანილი პაციენტებისთვის.
-
როგორ მოქმედებს იოგა ტვინზე
კვლევები აჩვენებს, რომ იოგა ცვლის ტვინის სტრუქტურასა და ფუნქციას. ის დადებითად მოქმედებს ისეთ უბნებზე, რომლებიც პასუხისმგებელია მეხსიერებაზე, ემოციებსა და გადაწყვეტილებების მიღებაზე.
ნეიროგამოსახულებითმა კვლევებმა აჩვენა, რომ იოგა ზრდის ტვინის ნაცრისფერი ნივთიერების მოცულობას. ეს ნაწილი დაკავშირებულია ენასთან, სწავლასთან, მეხსიერებასა და გადაწყვეტილებებთან. 2023 წლის ერთმა კვლევამ აჩვენა, რომ იოგამ შეიძლება მეხსიერების დაქვეითება შეანელოს ალცჰაიმერის რისკის მქონე ქალებში.
-
სტრესი, ანთება და ნერვული სისტემა
მკვლევრები ამბობენ, რომ ქრონიკული სტრესი ორგანიზმში ანთებას იწვევს და დაბერებას აჩქარებს. იოგაში გამოყენებული მედიტაცია და ღრმა სუნთქვა ნერვულ სისტემას მოდუნების რეჟიმზე გადაყავს. შედეგად მცირდება სტრესის ჰორმონები და ანთებითი პროცესები.
იოგა ასევე ზრდის ტვინში GABA-ს დონეს - ნეიროტრანსმიტერს, რომელიც ტვინის აქტივობას ამცირებს. კვლევამ აჩვენა, რომ 12-კვირიანი იოგის კურსის შემდეგ ადამიანებს განწყობა გაუუმჯობესდათ და შფოთვა შეუმცირდათ.
-
გავლენა მენტალურ ჯანმრთელობაზე
იოგა ამცირებს სტრესს, შფოთვას და დეპრესიის სიმპტომებს. კვლევების მიხედვით, ის განსაკუთრებით ეფექტურია დეპრესიის მოკლევადიანი სიმპტომების შესამსუბუქებლად.
არსებობს ნიშნებიც, რომ იოგა შეიძლება სასარგებლო იყოს პოსტტრავმული სტრესული აშლილობის (PTSD) მქონე ადამიანებისთვის. თუმცა მეცნიერები აღნიშნავენ, რომ ამ მიმართულებით უფრო მეტი მაღალი ხარისხის კვლევა ჯერ კიდევ საჭიროა.
სპეციალისტების თქმით, იოგას პოტენციალი აქვს, დაგვეხმაროს ჯანმრთელი ტვინის შენარჩუნებაში და მენტალური კეთილდღეობის გაუმჯობესებაში ასაკის მატებასთან ერთად.