როდიდან დაიწყებს „ეარ ჯორჯია“ თბილისიდან ტრანსკონტინენტალურ ფრენებს - თარიღი ცნობილია | Allnews.Ge

როდიდან დაიწყებს „ეარ ჯორჯია“ თბილისიდან ტრანსკონტინენტალურ ფრენებს - თარიღი ცნობილია

თბილისის აეროპორტიდან ტრანსკონტინენტალური რეისების დაწყების თარიღი ცნობილია.

როგორც „ბიზნესპრესნიუსთან“ საუბრისას ავიაკომპანია „ეარ ჯორჯიას“ დამფუძნებელმა გიორგი კოდუამ განაცხადა, ფრენები ზაფხულიდან, კერძოდ, ივლისიდან განხორციელდება. მისივე თქმით, თუ ეპიდ- სიტუაციამ ხელი არ შეუშალათ, თბილისიდან პირდაპირი რეისები შესრულდება კანადის, ტაილანდის, ჩინეთის მიმართულებით.

"თბილისიდან ტრანსკონტინენტალური რეისები ზაფხულიდან შესრულდება. ამ კუთხით ვთანამშრომლობ ,,ტავ ჯორჯიასთან“, რომელიც თბილისის აეროპორტის მმართველო კომპანიაა. მემორანდუმი უკვე გავაფორმეთ. სწორედ ის არის ჩემი კონტრაქტორი კომპანია. არის მზაობა ჩვენი მხრიდანაც, რომ ავწიოთ ის მაღალი ტარიფებიც, რასაც კომპანია გვთავაზობს, სწორედ ე.წ ლაქშერი სერვისს წარმოადგენს ,,ეარ ჯორჯია“ თბილისიდან ამ ყველაფრის გათვალისწინებით. ტარიფში შევა კვება, მომსახურება და შესაბამისი სერვისები.

თბილისი -ტორონტო, თბილისი - ჰონკონგი, თბილისი-ბანგკოკი და ასეთ შორ რეისებზე ვიფრენთ, ჩვენი გეგმა ასეთია, ივლისიდან ვგეგმავთ ამ რეისების დაწყებას ეპიდ სიტუაციის კუთხით კიდევ რამე თუ არ გაფუჭდა მნიშვნელოვნად. ამისთვის თვითმფრინავები უკვე მზადაა. ჩვენ ვგეგმავთ ტრანზიტული ზონის გამოყენებას და ჰონგ-კონგიდან მგზავრებს შეეძლებათ კიევში გადაფრენა. ტურისტული შეკვეთა არის შრი-ლანკაზეც. რეისების ნაწილი იქნება ჩარტერები, ნაწილი კი რეგულარული რეისები“, - განაცხადა ,,ეარ ჯორჯიას“ დამფუძნებელმა.

განაგრძეთ კითხვა