შთამბეჭდავი ფოტოები, რომლებიც ავსტრალიაში ძლიერი სიცხის შედეგებს ასახავს | Allnews.Ge
შთამბეჭდავი ფოტოები, რომლებიც ავსტრალიაში ძლიერი სიცხის შედეგებს ასახავს
ავსტრალიის აღმოსავლეთ რეგიონებში ახლა ისეთი ძლიერი გვალვაა, როგორიც ქვეყნის ყველაზე ასაკოვან მოსახლეობასაც კი არ ახსოვს. ამ ზამთარს ქვეყნის აღმოსავლეთ ნაწილში წვიმა თითქმის არ ყოფილა და მინდვრები მზისგან გადამწვარ მიწად გადაიქცა.
ავსტრალიის თავზე დატრიალებული უბედურების მასშტაბების შეფასება ფოტოების დახმარებით თავად შეგიძლიათ, რომლებიც საინფორმაციო სააგენტო "როიტერის" ფოტოგრაფმა დევიდ გრეიმ ჩიტის ფრენის სიმაღლიდან გადაიღო. რომ არ იცოდეთ სად და როგორ არის აღნიშნული ფოტოები გადაღებული სავარაუდოდ, იფიქრებდით, რომ ეს აბსტრაქტული კადრებია, ფერების ყველაზე მოულოდნელი შეხამებით.
"მეჩვენება, რომ აღარაფრის გაკეთება შემიძლია გარდა საქონლის გამოკვებისა და ლოდინისა, რომ ყველაფერი კარგად იქნება. თუმცა, მეჩვენება რომ გვალვა ყოველთვის ჩემზე ერთი ნაბიჯით წინაა"- ამბობს ტომ ვულასტონი. ავსტრალიის ხელისუფლებამ გვალვისგან დაზარალებული ფერმერების დასახმარებლად 1 მილიარდი დოლარი უკვე დახარჯა. ბევრი ფერმერი აღიარებს, რომ მსგავსი ძლიერი გვალვა არ ახსენდება. "აქ მთელი ცხოვრების განმავლობაში ვცხოვრობ და მეჩვენება, რომ ეს გვალვა კიდევ დიდხანს გაგრძელდება"- ამბობს ფერმერი ეშ უიტნი. ფულის ნაწილი, რომელსაც ხელისუფლება გამოყოფს ფერმერებისთვის, ფსიქოლოგიური დახმარების გაწევაში იხარჯება, რომლებიც მოსავლის დაკარგვის გამო ახლა ძალიან რთულ მდგომარეობაში არიან. მიმდინარე წლის ზაფხული ავსტრალიაშიც ძალიან ცხელი გამოდგა. დეკემბერ-თებერვალში საერთოდ რეკორდი დაამყარეს. 7 იანვარი სიდნეიში ბოლო 79 წლის განმავლობაში ყველაზე ცხელი დღე აღმოჩნდა - ჰაერის ტემპერატურამ 47,3 გრადუს ცელსიუსს მიაღწია. მეტეოროლოგების ინფორმაციით, მიმდინარე წლის ივლისი ავსტრალიისთვის 2002 წლის შემდეგ ყველაზე გვალვიანია. ავსტრალიაში მოყვანილი მოსავლის თითქმის მეოთხედი ახალ სამხრეთ უელსის შტატზე მოდის, ამიტომ დარწმუნებით შეიძლება ითქვას, რომ გვალვამ ქვეყნის ეკონომიკას საგრძნობი დარტყმა მიაყენა.