TOP 10 საბავშვო წიგნი, რომელიც საქართველოში 2026-ის აგვისტოში წაიკითხეს
ზაფხულის ბოლო თვე ტრადიციულად აქტიური აღმოჩნდა პატარა მკითხველებისთვის. 2026 წლის აგვისტოში ქართველმა ბავშვებმა არაერთი საინტერესო, სათავგადასავლო თუ შემეცნებითი წიგნი გადაშალეს.
საქართველოს ყველაზე დიდმა წიგნის მაღაზიათა ქსელმა, „ბიბლუსმა“, შეაჯამა 2026 წლის აგვისტოს თვე და ის 10 საბავშვო წიგნი გამოავლინა, რომელსაც ქართველი მკითხველი ყველაზე ხშირად ირჩევდა.
გადავხედოთ აგვისტოს თვის TOP 10 ყველაზე მოთხოვნად საბავშვო წიგნს საქართველოში:
1. ანტუან დე სანტ-ეგზიუპერი - პატარა პრინცი (ანუკა ბარათაშვილის ილუსტრაციებით)
ანტუან დე სანტ-ეგზიუპერის უბერებელი კლასიკა ახალი, შთამბეჭდავი ქართული ილუსტრაციებით. ქართველი მხატვრის, ანუკა ბარათაშვილის მიერ გაფორმებულმა გამოცემამ პატარა თუ დიდ მკითხველს საყვარელი პერსონაჟი ხელახლა შეაყვარა.
2. იაკობ გოგებაშვილი - მოთხრობები
ქართული საბავშვო ლიტერატურის საგანძური, რომელიც თაობებს აერთიანებს. ცინცაძის მიერ შესრულებული ულამაზესი ნახატებით გაფორმებული მოთხრობები საუკეთესო არჩევანია სასკოლო მზადებისთვის.
3. ონჯალი როუფი - ბიჭი ჩვენი კლასის ბოლო მერხზე
ემპათიითა და სიკეთით სავსე ამბავი, რომელიც ბავშვებს მეგობრობას, განსხვავებული ადამიანების მიღებასა და ერთმანეთის მხარდაჭერას ასწავლის.
4. ანა გავალდა - 35 კილო იმედი
ანა გავალდას ცნობილი მოთხრობა ბოხოხა ბიჭუნაზე, რომელსაც სკოლა არ უყვარს, თუმცა დიდოსტატი პაპის მხარდაჭერით საკუთარ ტალანტს აღმოაჩენს. წიგნი იმედითა და სითბოთი ავსებს მკითხველს. ეს არის საკითხავი ყველასთვის - მოზარდებისთვის, რომლებიც საკუთარ თავს ეძებენ, და დიდებისთვის, რომლებსაც ზოგჯერ ავიწყდებათ, რას ნიშნავს იყო ბავშვი.
5. დეივ პილკი - დოგმენი
დევ პილკის მსოფლიო ბესტსელერი კომიქსების სერიიდან, რომელიც ნახევრად ძაღლი და ნახევრად პოლიციელი გმირის მხიარულ თავგადასავლებს მოგვითხრობს. ბავშვებს ის განსაკუთრებით უყვართ იუმორისტული სტილის გამო.
6. გიორგი კეკელიძე - კუპატას თავგადასავალი
გიორგი კეკელიძის მოთხრობა ბათუმელ ცნობილ ძაღლზე, კუპატაზე. ეს თბილი და მხიარული ამბავი აგვისტოში როგორც რბილი, ასევე მყარი ყდით გამოსულ გამოცემებში ერთნაირი პოპულარობით სარგებლობდა.
7. ხმოვანი წიგნი - ჟოზეს უყვარს სიმღერა
ყველაზე პატარა მკითხველებისთვის განკუთვნილი ინტერაქციული ხმოვანი წიგნი, სადაც პატარები საყვარელ პერსონაჟ ჟოზესთან ერთად მღერიან და მხიარულობენ.
8. აგენტი სტიჩი - ხიფათი სავაჭრო ცენტრში
დეტექტიური და თავგადასავლებით სავსე სიუჟეტი, რომელიც მოზარდებს პირველივე გვერდიდან ითრევს და აიძულებს, სულმოუთქმელად ადევნონ თვალი მთავარი გმირის თავგადასავალს.
9. მარკ ტვენი - ტომ სოიერის თავგადასავალი
მარკ ტვენის „ტომ სოიერის თავგადასავალი“ მსოფლიო საბავშვო ლიტერატურის უბერებელი კლასიკაა, რომელიც ცელქი, გონებამახვილი და ცნობისმოყვარე ბიჭუნას თავბრუდამხვევ ამბებს მოგვითხრობს. მდინარე მისისიპის ნაპირას გაშენებულ პატარა ქალაქში ტომი და მისი განუყრელი მეგობარი ჰაკლბერი ფინი მუდმივად სახიფათო თუ მხიარულ სიტუაციებში ეხვევიან - განძის ძიებიდან და საიდუმლოებების ამოხსნიდან დაწყებული, ნამდვილ ბანდიტებთან დაპირისპირებით დამთავრებული. ეს არის წიგნი ბავშვურ თავისუფლებაზე, მეგობრობასა და დაუვიწყარ თავგადასავალზე, რომელიც ნებისმიერი ასაკის მკითხველს უბრუნებს ბავშვობის უდარდელ განწყობას.
10. მარიამ სიხარულიძე - მაწანწალა ზურიკოს თავგადასავალი
ზურიკო პატრონსა და თბილ საწოლზე მეოცნებე მაწანწალა ძაღლია. ერთ დღეს პატარა ბიჭი, გუგა მას სახელგანთქმული ყასბისგან იხსნის და „ზარბაზანში“, ქალაქის პატარა ცირკში მიიყვანს, სადაც დასი წლის პირველი წარმოდგენისთვის ემზადება. იქ ზურიკო ცირკის ბობოქარ და მყვირალა დირექტორს, იადონ მინადორას, მაიმუნ აპალონს, კატა ოტელოსა და ღამურა სპირიდონას გაიცნობს. გახდება ეს უცნაური და ხმაურიანი ადგილი მაწანწალას ნანატრი სახლი?
გადაშალეთ ახალი თავგადასავალი, ეწვიეთ „ბიბლუსის“ უახლოეს ფილიალს ან შეუკვეთეთ წიგნები ონლაინ biblusi.ge-ზე.
R