ყავის საწარმოები, სადაც სურსათის ეროვნულმა სააგენტომ შეუსაბამობები გამოავლინა
მიმდინარე წელს ყავის და ჩაის გადამამუშავებელ, რეალიზატორ, დისტრიბუტორ ბიზნესოპერატორებთან 27 ინსპექტირება განხორციელდა. აღნიშნული ინფორმაცია Allnews.ge-ს სურსათის ეროვნული სააგენტოდან მიაწოდეს. განხორციელებულ ინსპექტირებას შორის 18 გეგმური და 3 არაგეგმური იყო, 6 კი - გადამოწმება. დოკუმენტურად 4 ბიზნესოპერატორი შემოწმდა.
კითხვაზე, რა სახის შეუსაბამობები გამოვლინდა, რომელი საწარმოები დაჯარიმდნენ და რომლებს შეუჩერდათ საწარმოო პროცესი, სურსათის ეროვნული სააგენტოდან გვაცნობეს, რომ ეტიკეტირების წესის დარღვევის, ვადაგასული სურსათის რეალიზაციის, მოკვლევადობასთან დაკავშირებული მითითებების შეუსრულებლობის გამო დაჯარიმდნენ შპს "ესპრესო ჯორჯია", "ი/მ ხათუნა ტვილდიანი" და შპს "ლიდერ ნისაგი",
კრიტიკული შეუსაბამობების გამო კი საწარმოო პროცესი შეუჩერდა - შპს "სუმბათას", რომელსაც შეუსაბამობების აღმოფხვრის შემდეგ საწარმოო პროცესი აღუდგა.
2017 წელს აღებული ყავის 14 ნიმუშიდან დარღვევა არც ერთში გამოვლენილა.