ვინ ზრუნავს თბილისში მავნე მწერების შეწამვლაზე
სოციალურ ქსელში გავრცელდა ინფორმაცია ლისის ტბაზე ტკიპების არსებობის შესახებ. ერთ-ერთმა მომხმარებელმა "ფეისბუქის" საკუთარ გვერდზე სტატუსი განათავსა სადაც ამბობს, რომ მის მეგობარს ტკიპის ნაკბენის შედეგად, ინფექციური დაავადება ბორელიოზი განუვითარდა. "ფეისბუქ" მომხმარებლის თქმით, ის გარემოს დაცვის სამინისტროს დაუკავშირდა, რომელმაც გადაამისამართა სოფლის მეურნეობის სამინისტროსთან, შემდეგ ზარი განახორციელა დაავადებათა კონტროლისა და საზოგადოებრივი ჯანმრთელობის ეროვნულ სააგენტოსში თუმცა, ცალსახა პასუხი ვერ მიიღო.
Allnews.ge დაინტერესდა ვინ უნდა ახორციელებდეს აღნიშნულ საქმიანობას და რომელი უწყებაა პასუხისმგებელი შეწამვლით სამუშაოებზე.
გარემოს დაცვის სამინისტროში, ისევე როგორც სოფლის მეურნეობისა და ჯანდაცვის სამინისტროში განგვიმარტეს, რომ მწერების შეწამვლა, მით უმეტეს თბილისის მასშტაბით არ ეხებათ. ჯანდაცვის სამინისტროში განაცხადეს, რომ მსგავს საკითხებზე მხოლოდ დაავადების გავრცელების შემთხვევაში მუშაობენ.
თბილსის მერიაში კი აღნიშნეს, რომ აღნიშნული საკითხი მათ კომპეტენციაში არ შედის:
"სამწუხაროდ ჩვენ არ გვაქვს არც ერთი სამსახური, რომელიც ამ სფეროს არეგულირებს, მერიას არ ეხება აღნიშნული საკითხი"-განაცხადეს თბილსის მერიაში და განმარტეს, რომ მოსახლეობამ მსგავს შემთხვევაში კერძო კომპანიებს უნდა მიმართოს, რომლებიც მწერები შეწამვლას ახორციელებენ.