რევოლუცია სტომატოლოგიაში: ლაბორატორიაში გაზრდილი კბილები შესაძლოა მომავალში ადამიანის კბილის აღდგენის ბუნებრივ ალტერნატივად იქცეს
მეცნიერებმა ლონდონის კინგსის კოლეჯიდან (King's College London), იმპერიალის კოლეჯთან (Imperial College London) თანამშრომლობით,
შეძლეს ადამიანის კბილის ლაბორატორიულ პირობებში გაზრდა. ეს მიღწევა შესაძლოა სტომატოლოგიაში რევოლუციური აღმოჩნდეს, რადგან პაციენტებს ბუნებრივი კბილების აღდგენის შესაძლებლობას მისცემს, რაც ბჟენებისა და იმპლანტების ალტერნატივად შეიძლება იქცეს.
კვლევის დეტალები
მეცნიერებმა შეიმუშავეს სპეციალური მასალა, რომელიც იმიტირებს იმ ბუნებრივ გარემოს, სადაც კბილები ვითარდება. ეს მასალა საშუალებას აძლევს უჯრედებს ერთმანეთთან კომუნიკაცია დაამყარონ და დაიწყონ კბილის უჯრედებად გარდაქმნა. ადრე მსგავსი მცდელობები უშედეგო იყო, რადგან სიგნალები უჯრედებს ერთდროულად მიეწოდებოდა, რაც არ შეესაბამებოდა ბუნებრივ პროცესს. ახალი მასალა კი სიგნალებს თანდათანობით უშვებს, რაც ბუნებრივ პროცესს უფრო ზუსტად იმეორებს.
კვლევაში ნათქვამია, რომ ზოგიერთი ცხოველი, მაგალითად, ზვიგენი და სპილო, ახალი კბილების ზრდის უნარს ინარჩუნებს, მაშინ როცა ადამიანებს, სარძევე კბილების ამოღების შემდეგ, მხოლოდ ერთი - ძირითადი კბილების რეზერვი რჩებათ. ამიტომაც მიიჩნევენ მკვლევარები, რომ კბილების რეგენერაციის შესაძლებლობა გახდება გიგანტური წინგადადგმული ნაბიჯი სტომატოლოგიისთვის.
კვლევაში აღწერილია, როგორ შეუძლია ლაბორატორიულ პირობებში გაზრდილ კბილს — რომელიც პაციენტის საკუთარ უჯრედებზეა დაფუძნებული — ჩაერთოს ყბის სტრუქტურაში და აღდგეს ბუნებრივი კბილის მსგავსად. ეს კვლევა ლონდონის იმპერიულ კოლეჯთან თანამშრომლობით ჩატარდა და ათ წელზე მეტხანს გაგრძელდა. კვლევის თანაავტორი, ქსუეჩენ ჟანგი (Xuechen Zhang), აღნიშნავს:
„ბჟენები არ არის საუკეთესო გამოსავალი კბილების შეკეთებისთვის. დროთა განმავლობაში ისინი ასუსტებენ კბილის სტრუქტურას, აქვთ შეზღუდული სიცოცხლისუნარიანობა და შეიძლება გამოიწვიონ შემდგომი დაშლა ან მგრძნობელობის გაზრდა. იმპლანტები საჭიროებენ ინვაზიურ ქირურგიულ ჩარევას და არ აღადგენენ კბილის ბუნებრივ ფუნქციას, რაც შეიძლება გამოიწვიოს გრძელვადიანი გართულებები.“ იხილეთ სრულად