უპრეცედენტო შემთხვევა მედიცინაში- ადამიანს ღორის გული გადაუნერგეს- როგორ გრძნობს თავს პაციენტი და რას აცხადებენ ექიმები? | Allnews.Ge

უპრეცედენტო შემთხვევა მედიცინაში- ადამიანს ღორის გული გადაუნერგეს- როგორ გრძნობს თავს პაციენტი და რას აცხადებენ ექიმები?

ამერიკელი მამაკაცი დევიდ ბენეტი გახდა პირველი ადამიანი მსოფლიოში, რომელსაც გენეტიკურად მოდიფიცირებული ღორის გული გადაუნერგეს. BBC წერს, რომ ოპერაციიდან უკვე 3 დღე გავიდა და ექიმების დაკვირვების შედეგად 57 წლის მამაკაცი თავს სტაბილურად გრძნობს.

122648786-4f61f140-dec7-45bb-9f49-26492c2062b8-1641882777.jpg

გამოცემის მიხედვით, ოპერაციამდე მამაკაცი ძალიან მძიმე მდგომარეობაში იმყოფებოდა და გულის გადანერგვის გარეშე ის დიდხანს სიცოცხლეს ვერ შეძლებდა. სწორედ ამიტომ ის ასეთ ექსპერიმენტულ ოპერაციას დასთანხმდა.

ექიმები ოპერაციით კმაყოფილები არიან და აცხადებენ, რომ მსგავს ოპერაციებს მსოფლიოში ათასობით ადამიანის სიცოცხლის გადარჩენა შეუძლია. მხოლოდ აშშ-ში გულის გადანერგვა ყოველდღიურად 17 პაციენტს მაინც სჭირდება. ამ დროისთვის კი ოპერაციის რიგს 100 000-ზე მეტი ადამიანი უცდის.

122649213-mediaitem122649212-1641882793.jpg

BBC წერს, რომ ღორი, რომლის გულიც მამაკაცს გადაუნერგეს გენეტიკურად მოდიფიცირებული იყოს. იმისათვის, რომ მისი გული ადამიანის ორგანიზმში გადასანერგად შეთავსებადი ყოფილიყო, ცხოველს 3 გენი შეუცვალეს.

220110193725-03-pig-heart-transplant-exlarge-169-1641882808.jpg

"ამ მომენტისთვის უბრალოდ არ არის საკმარისი დონორი ადამიანის გული პოტენციური მიმღებების გრძელი სიის დასაკმაყოფილებლად. ჩვენ სიფრთხილით ვაგრძელებთ მუშაობას, მაგრამ ასევე ოპტიმისტურად ვართ განწყობილი, რომ მსოფლიოში პირველი ოპერაცია მომავალში მნიშვნელოვნად შეცვლის პაციენტების ცხოვრებას”-აცხადებენ კლინიკაში, სადაც დევიდს გული გადანერგეს.