ილონ მასკმა მილიარდერების რეიტინგში უორენ ბაფეტს გადაასწრო
ამერიკელმა ბიზნესმენმა ილონ მასკმა მსოფლიოს უმდიდრესი ადამიანების რეიტინგში, რომელსაც ყოველდღიურად ანახლებს Bloomberg, მეშვიდე ადგილი დაიკავა, შედეგად კი გადაასწრო საინვესტიციო ფონდ Berkshire Hithaway-ის ხელმძღვანელს უორენ ბაფეტს.
სააგენტოს ცნობით, პარასკევს მასკის ქონება 6,1 მილიარდი დოლარით გაიზარდა, ამის მიზეზი კი მის კუთვნილ კომპანია Tesla-ს აქციებზე 11%-იანი ზრდა გახდა. ახლა ილონ მასკის ქონება შეფასებულია 70,5 მილიარდ დოლარად, ბაფეტის ქონება კი ამავე რეიტინგით 69,2 მილიარდად არის შეფასებული და ის მეათე ადგილზეა.
Tesla-ს ხელმძღვანელმა რეიტინგში ასევე გაასწრო კორპორაცია Google-ის დამფუძნებელს სერგეი ბრინს და ინდური ჰოლდინგის Reliance Industries-ის დამფუძნებელს მუკეშ ამბანის, რომლებიც რეიტინგში 70,4 და 70,2 მილიარდით - მე-8 და მე-9 პოზიციებზე არიან.