საქართველოში ავტოპარკს ყოველთვე 10-მდე ელექტრომობილი და 3-8 ელექტროდამტენი ემატება
ელექტრომობილებზე და შესაბამისად, დამტენებზე მოთხოვნა ყოველთვიურად იზრდება. როგორც კომპანია E-space-ის დირექტორი სულხან გვალია "ბიზნესპრესნიუსთან" საუბრისას აცხადებს, ქვეყნის ავტოპარკს ყოველთვე 10-მდე ელექტრომობილი და 3-8 ელექტროდამტენი ემატება. ჯამში, 2018 წლის პირველი კვარტალის მონაცემებით, უკვე 1 100 ელექტრობილია, დამტენების რაოდენობა კი 52-ს შეადგენს.
ელექტროდამტენების ქვეყნის ფარგლებში დამონტაჟება მას შემდეგ გახდა აუცილებელი, რაც ქვეყანაში ელექტრომობილების იმპორტი გაიზარდა და შესაბამისად, მოიმატა საქართველოში ასეთი ტიპის ავტომანქანების რაოდენობამ. ამ დროისთვის დამტენებით სარგებლობა უფასოა, 2019 წლიდან კი ფასიანი გახდება. რა ეღირება ერთი ავტომანქანის დატენვა, ჯერჯერობით უცნობია, როგორც სულხან გვალია აცხადებს, დეტალები წლის ბოლოს გახდება ცნობილი.
ამასთან, კომპანიის დირექტორი აცხადებს, ელექტრომობილებზე მზარდი მოთხოვნის გათვალისწინებით, უახლოეს მომავალში, დამტენების საერთო რაოდენობის გაორმაგება იგეგმება.
"საქართველოს მასშტაბით ჩვენს ქსელში სულ 52 დამტენია. აქედან ერთი არის სწრაფი დამტენი. თითქმის ყოველთვე ვამატებთ ხან 3-ს, ხან 8 დამტენს. ძირითადად ისეთ ადგილებს ვარჩევთ, სადაც ადამიანები ჩერდებიან, მაგალითად, სასტუმრო, კაფე, გაზგასამართი საგურები და ა.შ.