რობოტ სოფიას უკვე სიარულიც შეუძლია
რობოტ სოფიას, რომელმაც მსოფლიოს ყურადღება პირველად მაშინ მიიპყრო, როდესაც საუდის არაბეთის მოქალაქეობა მიიღო, შემდეგ კი განაცხადა, რომ შვილის ყოლას ისურვებდა, რომელესაც ასევე სოფიას დაარქმევდა, ფეხები აჩუქეს. სოფიას აქამდე ქვედა კიდურები არ ჰქონდა, ახლა კი მას დამოუკიდებლად გადაადგილება დაახლოებით ერთი კილომეტრი საათის სიჩქარით შეუძლია.
ამის გარდა, რობოტ სოფიას ცეკვაც შეუძლია, აკეთებს რა მარტივ მოძრაობებს და გადაადგილებისას ჟესტიკულირებს კიდეც. ახალი შესაძლებლობების დემონსტრრირება და პრეზენტაცია რობოტმა სოფიამ CES 2018-ზე უკვე მოახდინა.
გამომგონებლები გამუდმებით ცდილობენ სოფიას გაუმჯობესებას, ამუშავებენ მის გარეგნულ შესაძლებლობებს და პროგრამულ პლატფორმასაც. ამ დროისთვის რობოტს 62 ემოციის გამოხატვა შეუძლია, საუბრობს ინგლისურად, ამოძრავებს კიდურებს, პატივისცემის ნიშნად ისწავლა თავის დახრა და მოსაუბრეს თვალებში უყურებს. მიუხედავად იმისა, რომ ინგლისური იცის, საუბრის უმეტეს თემაში მისი მაქსიმალური ჩართულობა "არას" ან "კის" თქმით შემოიფარგლება, თუმცა ზოგიერთ პოპულარულ თემაზე საკმაოდ ვრცლად საუბრობს.