მსოფლიოში ყველაზე გაყიდვადი სმარტფონები
2017 წლის პირველ ნახევარში მსოფლიოში ყველაზე გაყიდვადი სმარტფონი iPhone 7 გახდა. ამის შესახებ IHS Markit-ის ანალიტიკოსების მიერ მომზადებულ დასკვნაშია აღნიშნული.
პოპულარობით მეორე ადგილზეა iPhone 7 Plus. ლიდერთა სამეულში ასევე მოხვდა Samsung Galaxy Grand Prime Plus - ბიუჯეტური 5-ინჩიანი სმარტფონი, რომელიც 130 დოლარი ღირს. ხუთეულში ასევე შედიან iPhone 6s და Samsung Galaxy S8.
აღნიშნულია, რომ iPhone 7-ის მონაცემები 2016 წლის ანალოგიურ პერიოდში iPhone 6s-ის შედეგებთან შედარებით წელს გაუარესდა. ანალიტიკოსები ამბობენ, რომ ყოველწლიურად Apple-ის ბაზრის წილი მცირდება.
სულ ათეულში Samsung-ის 5, Apple-ის 4 და ჩინური კომპანია Oppo-ს ერთი სმარტფონი მოხვდა.