Tesla სატვირთო ელექტრომობილის გამოშვებას აპირებს
SpaceX-სა და Tesla-ს ხელმძღვანელმა ილონ მასკმა ახალი, ავტოპილოტიანი სატვირთო ელექტრომობილის ჩვენება სექტემბრისთვის დააანონსა. მანამდე კი ახალი მოდელის შესახებ თითქმის არაფერია ცნობილი. მიუხედავად ამისა, სატვირთო ელექტრომობილის ზოგიერთი ტექნიკური მახასიათებლების შესახებ პრესაში სხვადასხვა ინფორმაცია უკვე ვრცელდება.
Tesla-ს მომავლის სახლი განახლებადი ენერგიით იკვებება
ცოტა ხნის წინ კი სატვირთო გადაზიდვების კომპანიის Ryder System-ის ხელმძღვანელი სკოტ პერი Tesla-ს წარმომადგენლებს ესაუბრა. მათი საუბარი ახალ სატვირთო ელექტრომობილს ეხებოდა. პერის თქმით, ბატარეა ერთჯერადად მხოლოდ 300-500 კილომეტრს ძლებს. გარდა ამისა, ახალ ელექტრომობილში არც საძინებელი ადგილი იქნება გათვალისწინებული, ამიტომ Tesla Semi მხოლოდ მოკლე დისტანციებზე - მეზობელ ქალაქში ან ქალაქის შემოგარებში - ტვირთის გადაზიდვისთვის გამოდგება.
რეგიონულ რეისებზე ყველა სატვირთო გადაზიდვის ერთი მესამედი მოდის, ამიტომ სატვირთო ელექტრომობილი ლოკალური საკურიერო სამსახურის ან სატრანსპორტო კომპანიისთვის შესაძლოა, ხელსაყრელი და საკმაოდ იაფი შენაძენიც გახდეს.
Tesla-ში გავრცელებულ ინფორმაციის არ ადასტურებენ და აღნიშნავენ, რომ სატვირთო ელექტრომობილის ტექნიკური მახასიათებლები უახლოეს ხანში გასაჯაროვდება.
Tesla-ს ახალი, რევოლუციური პროდუქცია საზოგადოებრივ ტრანსპორტს ჩაანაცვლებს