მზეზე 120 ათასი კილომეტრის სიგანის ხვრელი გაჩნდა
მზეზე 120 ათასი კილომეტრის სიგანის ხვრელი გაჩნდა. აღმოჩენა ნასამ გააკეთა და შესაბამისი სახელიც შეურჩია - AR2665.
მკვლევართა განმარტებით, ლაქის გაჩენა მზის მაგნიტური ველისა და მისი უფრო ცივი ზონების ურთიერთქმედებამ განაპირობა.
ექსპერტების თქმით, ხვრელი საკმაოდ დიდია და შესაძლოა, ამოფრქვევა გამოიწვიოს, რაც ჩვენთვისაც არ ჩაივლის უკვალოდ. უფრო კონკრეტულად რომ ვთქვათ, აღნიშნული ხვრელი დედამიწაზე დიდიცაა და ჩვენი პლანეტიდან მისი დანახვაც არის შესაძლებელი. როგორც ნასას მზის დინამიკის ობსერვატორიის წარმომადგენლებმა განაცხადეს, ჯერ ადრეა იმის პროგნოზირებისთვის, თუ როგორ ტენდენცია ექნება მზეზე აღმოჩენილ ლაქას. თუმცა ექსპერტების თქმით ის საკმაოდ სწრაფად იზრდება.
აღსანიშნავია, რომ მზეზე ლაქების გაჩენა იშვიათობა ნამდვილად არ არის, მაგრამ მათი წარმოშობა მზის დაბალი აქტივობის პერიოდში ხშირად ნამდვილად არ ხდება.