25 თებერვალს დედამიწას ასტეროიდი ჩაუვლის
რა გეგმები გაქვთ 25 თებერვლისთვის? თუკი რაიმე მნიშვნელოვანი გაქვთ დაგეგმილი, გირჩევთ რამდენიმე დღით გადმოწიოთ. ვინ იცის იქნებ 26 თებერვალი აღარც დადგეს. ეს, რა თქმა უნდა, ხუმრობით.
გასული წლის ბოლოს, აერონავტიკისა და კოსმოსური სივრცის კვლევის ეროვნულმა სამმართველომ, გაავრცელა ინფორმაცია, რომ დედამიწის მიმართულებით საკმაოდ დიდი კოსმოსური ობიექტი მოფრინავდა.
როგორც მოგვიანებით გაირკვა, ეს ობიექტი ასტეროიდი აღმოჩნდა, რომლის ზომაც 500 მეტრიდან 1 კილომეტრამდეა. "დაუპატიჟებელმა სტუმარმა" "2016 WF9"-ის სახელი მიიღო.
იგი დედამიწას 51 მილიონი კილომეტრის მანძილზე ჩაუვლის.
რაც შეეხება ნასას, 2016 წლის 29 დეკემბერს განთავსებული ინფორმაციის თანახმად, "2016 WF9"-ის მოძრაობის ტრაექტორია კარგადაა შესწავლილი. ობიექტი დედამიწისთვის არავითარ საფრთხეს არ წარმოადგენს" - ნათქვამია განცხადებაში.