“სუპერ ტვინის“ 7 ხრიკი სწრაფად სწავლისა და მეხსიერების გასაუმჯობესებლად - ნეირომეცნიერები გვირჩევენ
-
ნეირომეცნიერები გვიზიარებენ 7 ეფექტურ სტრატეგიას, რომლებიც სწავლის პროცესს ამარტივებს.
-
სწავლის გასაუმჯობესებლად საუკეთესო მეთოდებია: თვითტესტირება, ერთდროულად რამდენიმე თემის შესწავლა, სწავლის სტილის შეცვლა, ინფორმაციის ხმამაღლა წარმოთქმა, ეტაპობრივი სწავლა, ხარისხიანი ძილი და ფიზიკური აქტივობა.
-
ამ მეთოდებით თქვენთვის სწავლა მარტივი, სწრაფი და ხარისხიანი პროცესი გახდება.
წარმოგიდგენთ მეცნიერებაზე დაფუძნებულ სტრატეგიებს, რომლებიც ყველამ არ იცის და კარიერული წარმატების მისაღწევად ძირითადად თავად ნეირომეცნიერები იყენებენ.
დღევანდელ სწრაფ ტემპში, ინფორმაციის სწრაფად სწავლა და ეფექტურად ათვისება უფრო მნიშვნელოვანია, ვიდრე ოდესმე. ადამიანი მთელი ცხოვრების განმავლობაში სწავლობს - როგორც კი თვითგანვითარებაზე ზრუნვას შეწყვეტთ, თქვენი ცხოვრების ხარისხიც შეიცვლება.
თუმცა ნეირომეცნიერები გვიზიარებენ კვლევებზე დაფუძნებულ 7 გზას, რომ ჩვენი ტვინი უფრო ეფექტურად ავამუშაოთ და ყველაფრის შესწავლა ბევრად იოლად შეგვეძლოს, ვიდრე ოდესმე.
1. გამოცადეთ საკუთარი თავი
ერთ-ერთი ყველაზე ძლიერი სასწავლო ინსტრუმენტი თვითტესტირებაა. მასალის უბრალოდ კითხვის ან პასიურად გადახედვის ნაცვლად, აქტიურად გამოცადეთ საკუთარი თავი.
როდესაც ტექსტს გადაიკითხავთ, შემდეგ შინაარსის მოყოლამდე საკუთარ თავს შეკითხვები დაუსვით და ეცადეთ მათ ამომწურავად უპასუხოთ. ამ დროს შინაარსს ბევრად უკეთესად იმახსოვრებს ტვინი, ვიდრე რუტინული კითხვისას.
პროცესი არა მხოლოდ აძლიერებს სწორად ინფორმაციის მიღებას, არამედ ავლენს იმ სფეროებს, სადაც სუსტი ხართ და ფოკუსირება უნდა გააძლიეროთ.
მაგალითად, თუ ახალ ენას სწავლობთ, შეეცადეთ გაიხსენოთ სიტყვები ჩანაწერების გარეშე. თუ ბიოლოგიას სწავლობთ, ჩააბარეთ ტესტი ძირითად პროცესებზე ან ფუნქციებზე.
რეგულარული თვითტესტირება აქტიური სწავლის სტრატეგიაა.
2. ერთდროულად ორი ან სამი რამ ისწავლეთ
ჩანაცვლების კონცეფცია გულისხმობს ბევრი უნარების თანმიმდევრულად შესწავლას, ერთ თემაზე ფოკუსირების ნაცვლად. ეს მეთოდი აიძულებს ტვინს მუდმივად გადაერთოს და ადაპტირდეს, რაც აუმჯობესებს კონცეფციების გარჩევისა და ცოდნის მოქნილად გამოყენების უნარს.
მაგალითად, ერთი ტიპის მათემატიკური ამოცანის განმეორებით ამოხსნის ნაცვლად, გააერთიანეთ რამდენიმე სხვადასხვა ტიპის ამოცანა. ანალოგიურად, შეგიძლიათ იმოქმედოთ ნებისმიერ სხვა დროსაც.
ჩანაცვლება აუმჯობესებს გაგების უნარს, აძლიერებს მეხსიერების კავშირებს და დაგეხმარებათ ცოდნის უფრო ეფექტურად გამოყენებაში.
3. შეცვალეთ სწავლის ან პრაქტიკის მეთოდი
მხოლოდ გამეორება არ არის საკმარისი. კვლევები აჩვენებს, რომ პრაქტიკის დროს მცირე ცვლილებები მნიშვნელოვნად აჩქარებს სწავლას. ეს შეიძლება იყოს ტემპის შეცვლა, გარემოს შეცვლა, დავალებების მცირე ეტაპებად დაყოფა ან ახალი დავალებების დამატება.
ყველაფერი ეს ხელს უწყობს მოგონებების კონსოლიდაციას და საერთო შესრულების გაუმჯობესებას.
მაგალითად, პრეზენტაციისთვის მომზადებისას, ივარჯიშეთ სხვადასხვა გარემოში ან სხვადასხვა სიჩქარით. დაყავით პრეზენტაცია მცირე ნაწილებად, ივარჯიშეთ თითოეულ სექციაზე და შემდეგ გააერთიანეთ ისინი. ეს მიდგომა აძლიერებს მეხსიერებას მრავალი და მოულოდნელი სიტუაციებისთვის მომზადებით.
4. ხმამაღლა წარმოთქვით ინფორმაცია
ინფორმაციის ხმამაღლა წარმოთქმის დროს უფრო მარტივად გამახსოვრდებათ ინფორმაცია, ვიდრე ჩუმად კითხვისას.
როდესაც ხმამაღლა აყალიბებთ იდეებს ან კონცეფციებს, თქვენ ჩართული გაქვთ ტვინის მრავალი უბანი, რაც ინფორმაციას უფრო მკაფიოს და ადვილად დასამახსოვრებელს ხდის.
მაგალითად, ახალი ტერმინის სწავლისას, ახსენით ის ხმამაღლა თქვენი სიტყვებით. თუ სიტყვით გამოდიხართ, წარმოთქვით ის ვერბალურად. მეტყველება ქმნის დამატებით მეხსიერების სიგნალს.
5. ეტაპობრივად სწავლა
ინტერვალური სწავლა, გაცილებით ეფექტურია, ვიდრე ინტენსიური სწავლა. ეტაპობრივი სწავლა საშუალებას აძლევს ტვინს, დროთა განმავლობაში დაამუშაოს ინფორმაცია, გამოასწოროს შეცდომები და ინტეგრირება მოახდინოს ცოდნაზე. სწავლის შემდეგ, შეისვენეთ და შემდეგ დაუბრუნდით მასალას.
6. ძილი
ძილი გადამწყვეტ როლს ასრულებს მეხსიერების კონსოლიდაციაში. კვლევები აჩვენებს, რომ დაძინებამდე მასალის შესწავლა და შემდეგ მეორე დილით მისი გამეორება 50 პროცენტით აუმჯობესებს დამახსოვრებას.
ძილის დროს ტვინი ამუშავებს ახალ ინფორმაციას და აძლიერებს ნეირონულ კავშირებს.
7. ვარჯიში
ფიზიკური აქტივობა სასარგებლოა არა მხოლოდ სხეულისთვის, არამედ ტვინისთვისაც. ზომიერი და ინტენსიური ვარჯიში აუმჯობესებს მეხსიერებას, ასოციაციურ სწავლებას და საერთო კოგნიტურ ფუნქციას.
სეირნობის თუნდაც 15 წუთი, ამზადებს ტვინს უფრო სწრაფი სწავლისთვის, განსაკუთრებით მაშინ, როდესაც რთულ დავალებებს ასრულებთ.
ამიტომ, გამოცდების წინ, ან რაიმე მნიშვნელოვანი საკითხის შესწავლისას არ დაგავიწყდეთ გამოძინება, სეირნობა სუფთა ჰაერზე, ხმამაღლა კითხვა, ინფორმაციის ეტაპობრივად შესწავლა და თვითტესტირება...