როდის გამოქვეყნდება ერთიანი ეროვნული გამოცდების შედეგები - პასუხი შეფასებისა და გამოცდების ეროვნული ცენტრიდან
2024 წლის ერთიანი ეროვნული გამოცდები დასრულდა და ახლა აბიტურიენტები შედეგების გამოცხადებას ელოდებიან. გასულ წელს ქართული ენისა და ლიტერატურის შედეგები 1-ელ აგვისტოს, დილის 10 საათზე გამოქვეყნდა, შესაბამისად აბიტურიენტებს ჰქონდათ მოლოდინი, რომ თავიანთ ქულას დღეს იხილავდნენ. ამიტომაც, სხვადასხვა ჯგუფში არაერთი შეკითხვა დაისვა.
გადასამოწმებლად Mshoblebi.ge-მ შეფასებისა და გამოცდების ეროვნულ ცენტრს მიმართა,, სადაც ჯერჯერობით ზუსტ თარიღს ვერ ასახელებენ, თუმცა აღნიშნეს, რომ შედეგების გამოქვეყნება, დიდი ალბათობით, მომდევნო კვირის დასაწყისიდან, ორშაბათიდან დაიწყება.
წყარო: Mshoblebi.ge