ყველაზე ხანდაზმული მოსწავლე მსოფლიოში- ისტორია 84 წლის "პირველკლასელზე" | Allnews.Ge

ყველაზე ხანდაზმული მოსწავლე მსოფლიოში- ისტორია 84 წლის "პირველკლასელზე"

2004 წელს კენიაში, ელდორეტის დაწყებით სკოლაში უჩვეულო პირველკლასელი მივიდა. საქმე ისაა, რომ ამ დროს ის უკვე 84 წლის იყო. მართალია, თავად კიმანი მარუგემ არ წარმოადგინა მისი ასაკის დამადასტურებელი საბუთი, მაგრამ მან ყველა დაარწმუნა, რომ ის 1920 წელს დაიბადა. სკოლის დირექცია მოხუცთან შესახვედრად წავიდა, რომელიც გინესის რეკორდების წიგნშიც მოხვდა, როგორც ყველაზე ხანდაზმული მოსწავლე მსოფლიოში.

2003 წელს კენიის მთავრობამ მიიღო კანონი საყოველთაო უფასო რვაწლიანი განათლების შესახებ, ამიტომ კიმანი მარუგემ გადაწყვიტა, ესარგებლა ამ შესაძლებლობით და აუხსნა დამსწრეებს, რომ ყოველთვის ოცნებობდა ბიბლიის კითხვაზე. კიმანი ღარიბ ოჯახში დაიბადა, სადაც შვილებისთვის განათლების მიცემა მაინც შეუძლებელი იყო.

kimani-muragi-2-1655273386.jpg

სხვათა შორის, კიმანი მარუგე სკოლაში უკვე 30 წელს გადაცილებულ შვილიშვილებთან ერთად შევიდა. მალე მოხუცი მოსწავლის ოცნება ახდა: მან დაიწყო ბიბლიის კითხვა და მოინათლა, სახელად სტეფანე, ქრისტიანი მოწამე სტეფანეს პატივსაცემად შეირჩია. იმ დროისთვის კიმანი უკვე მძიმედ იყო დაავადებული, მას კუჭის სიმსივნე დაუდგინეს.

0-xrxhhahk6euyh5w-1655273492.jpg

სხვათა შორის, სტუდენტი-ვეტერანი უბრალოდ წერა-კითხვის სწავლის სურვილით არ შემოიფარგლებოდა. მას გაცილებით სერიოზული მიზნები ჰქონდა: შეესწავლა მათემატიკა, რათა პენსიის ოდენობა დაეთვალა, რომელიც, მისი აზრით, ძალიან მცირე იყო. სკოლის დამთავრების შემდეგ მარუგეს ვეტერინარიის შესწავლა სურდა.

უჩვეულო სტუდენტის შესახებ ინფორმაციამ გაერომდეც კი მიაღწია. 2005 წელს მამაკაცი მიიწვიეს ნიუ-იორკში, სადაც მან ისაუბრა საყოველთაო უფასო განათლების საჭიროების შესახებ.

"მინდოდა ახალგაზრდებსა და მოხუცებს შორის ბარიერი დამემსხვრია. ჩემი კლასელები ჩემი მეგობრები იყვნენ, ისინი სახლში მისვლაში მეხმარებოდნენ. მე არ გავჩერდები, ჩემი მიზანია ერთ დღეს პრფესორი გავხდე- "პროფესორი კიმანი მარუგე". -განაცხადა მან.

მას სმენის აპარატიც კი აჩუქეს, რომელიც ნამდვილად სჭირდებოდა: ჯერ კიდევ მეოცე საუკუნის შუა წლებში მან მონაწილეობა მიიღო აჯანყებაში ბრიტანეთის კოლონიური ხელისუფლების წინააღმდეგ და ტყვედ ჩავარდა. წამების დროს აჯანყებულს ყურის ბარაბანი დაუზიანდა.

სამწუხაროდ, მსოფლიოში ყველაზე ხანდაზმულ სტუდენტს სკოლა არასდროს დაუმთავრებია. 2008 წელს ჯანმრთელობის პრობლემები შეექმნა და სკოლაში სიარული ვერ შეძლო. იმ დროისთვის მარუგე უკვე ცხოვრობდა კენიის დედაქალაქში, ქალაქ ნაირობიში: მისი სახლი გაძარცვეს ქვეყანაში 2007 წელს მომხდარი არეულობის დროს, მას კი, ლტოლვილთა ბანაკში მოუწია გადასვლა. მომაკვდავმა მოხუცმა მასწავლებლებს სთხოვა, მისულიყვნენ და სახლში ესწავლებინათ. მარუგე 2009 წლის 14 აგვისტოს გარდაიცვალა.

80207372-80205188-1655273559.jpg

წყარო