რომელ ქვეყანაში ცხოვრობს ყველაზე მეტი მილიარდერი?
Forbes- ის წლევანდელ რეიტინგში 77 ქვეყნიდან მსოფლიოს უმდიდრესი 2640 მილიარდერი მოხვდა. აღსანიშნავია, რომ წელს მას ორი ახალი ქვეყანა - სომხეთი და პანამა შეემატა, რომელთაგან თითოეულს დაემატა ერთი მილიარდერი: სტენლი მოტა, პანამელი ინვესტორი და რუბენ ვარდანიანი, სომეხი საინვესტიციო ბანკირი და პოლიტიკოსი. ამ უკანასკნელმა თავისი ქონება რუსეთში 1990-იან წლებში მოიპოვა და მასზე უარი გასულ წელს თქვა. 2022 წელს აღნიშნული სიიდან ის ამოვარდა და ერთი წლის მერე დაბრუნდა.
წარმოგიდგენთ 10 ქვეყანას, რომელსაც ყველაზე მეტი მილიარდერი ჰყავს:
(რეიტინგში ნაჩვენები წმინდა ღირებულება არის 2023 წლის 10 მარტის მონაცემებით)
1. ამერიკის შეერთებული შტატები
735 მილიარდერი (გასულ წელსაც 735)
მთლიანი წმინდა ქონება: 4,5 ტრილიონი დოლარი (200 მლრდ დოლარის კლება)
უმდიდრესი ადამიანი: ილონ მასკი , წმინდა ქონება: 180 მლრდ დოლარი
2. ჩინეთი
495 მილიარდერი (გასულ წელს 539)
მთლიანი წმინდა ქონება: 1.67 ტრილიონი დოლარი (300 მლრდ დოლარის კლება)
უმდიდრესი ადამიანი: ჩონგ შანშანი , 68 მლრდ დოლარი
3. ინდოეთი
169 მილიარდერი (შარშან 166)
მთლიანი წმინდა ქონება: 675 მლრდ დოლარი (75 მლრდ დოლარის კლება)
უმდიდრესი ადამიანი: მუკეშ ამბანი , 83,4 მლრდ დოლარი
4. გერმანია
126 მილიარდერი (შარშან 134)
მთლიანი წმინდა ქონება: 585 მლრდ დოლარი (23 მლრდ დოლარის კლება)
უმდიდრესი ადამიანი: დიტერ შვარცი , 42,9 მლრდ დოლარი
5. რუსეთი
105 მილიარდერი (გასულ წელს 83)
მთლიანი წმინდა ქონება: 474 მლრდ დოლარი (154 მილიარდი დოლარით მეტი)
უმდიდრესი ადამიანი: ანდრეი მელნიჩენკო , 25,2 მლრდ დოლარი