პროდუქტები, რომელიც იანვარში გაიაფდა
2023 წლის იანვარში წინა თვესთან შედარებით ინფლაციის დონემ საქართველოში 0.8%, ხოლო წლიური ინფლაციის დონემ 9.4% შეადგინა. ამის შესახებ მონაცემებს სტატისტიკის ეროვნული სამსახური ავრცელებს.
რაც შეეხება საბაზო ინფლაციას, „საქსტატის“ ცნობით, აღნიშნულმა მაჩვენებელმა 2023 წლის იანვარში, გასული წლის შესაბამის პერიოდთან შედარებით 7.7 % შეადგინა.
2023 წლის დასაწყისში, ფასი სულ 9 საკვებ პროდუქტზე შემცირდა.
,,ბიზნესპრესნიუსი" გთავაზობთ პროდუქტის ჩამონათვალს, რომელიც იანვარში ყველაზე მეტად გაიაფდა:
- კომბოსტო - 53.7%
- ქლიავი - 29.9%
- ბადრიჯანი - 15.4%
- ნიორი - 14.8%
- მზესუმზირის ზეთი - 8.6%