მილიარდერები რომლებიც პანდემიის დროს კიდევ უფრო გამდიდრდნენ | Allnews.Ge

მილიარდერები რომლებიც პანდემიის დროს კიდევ უფრო გამდიდრდნენ

კორონავირუსის პანდემიამ 2020 წელს ყველაზე დიდი გავლენა სიცოცხლეზე და საფულეებზე იქონია. თუმცა ზოგიერთი მილიარდერის ქონება წელს მნიშვნელოვნად გაიზარდა წარმოგიდგენთ მათ სიას:

გოჰ ჩენგ ლიანგი: +17 მილიარდი დოლარი გოხ ჩენგ ლიანგმა ახალგაზრდობაში საღებავის დამზადება სინგაპურში დაიწყო. 1962 წელს ბიზნესი იაპონიის Nippon Paint- მა შეიძინა და ლიანგი მეწილე გახდა. მას შემდეგ ნიპონი განაგრძობს გაფართოებას. 2019 წელს კომპანიამ ავსტრალიის საღებავების უმსხვილესი მწარმოებელი DuluxGroup 2.7 მილიარდ დოლარად და Turkey 2 მილიარდ დოლარად იყიდა. 2020 წელს Nippon Paint- ის აქციის ფასი თითქმის გაორმაგდა და 93 წლის ლიანგის ქონება 17 მილიარდი დოლარით გაიზარდა. მთლიანად ლიანგი 28.2 მილიარდი დოლარს ფლობს.

სერგეი ბრინი: +18 მილიარდი დოლარი Google- ის მშობლიური კომპანიის Alphabet- ის თანადამფუძნებელის და ყოფილი პრეზიდენტის, სერგეი ბრინის ქონება წლის დასაწყისიდან 18 მილიარდი დოლარით გაიზარდა. ეს ტექნიკურ გიგანტში არსებულმა წილებმა განაპირობა. ახლა Alphabet -ის ღირებულება 1,2 ტრილიონ დოლარს შეადგენს, ხოლო კომპანიის მეორე კვარტლის შემოსავალი 38.3 მილიარდი დოლარი იყო. ბრინი ამჟამად 80,7 მილიარდი დოლარს ფლობს.

ჯეი ლი: +18 მილიარდი დოლარი სამსუნგ ელექტრონიკის მემკვიდრე ჯეი ლის ქონება 2020 წელს 18 მილიარდი დოლარით გაიზარდა. ჯეი ლი საკმაოდ სკანდალური ბიოგრაფიით გამოირჩევა. 2017 წლის თებერვალში იგი მხრეთ კორეის ყოფილი პრეზიდენტის მოსყიდვის ბრალდებით დააპატიმრეს და ხუთი წლით თავისუფლების აღკვეთა მიესაჯა. 2018 წლის თებერვალში ორწლინახევრიანი პირობითი სასჯელით გათავისუფლდა. მიმდინარე წლის ოქტომბერიდა დღემდე, თაღლითობებისა საფონდო ფასების მანიპულირების ბრალდებით ჯეი ლის სასამართლო პროცესი მიმდინარეობს. თუ იგი დამნაშავედ ცნეს, ისევ პატიმრობა ელის. ჯეი ლის ქონების ჯამური ღირებულება 24,8 მილიარდი დოლარია.

მუკეშ ამბანი: +18.1 მილიარდი დოლარი ინდოეთის უმდიდრესი ადამიანის, მუკეშ ამბანის ქონება იანვრის შემდეგ 18,1 მილიარდი დოლარით გაიზარდა. იგი არის Reliance Industries, მრავალეროვნული კონგლომერატის თავმჯდომარე. ამბანი 76,7 მილიარდი დოლარით პლანეტის მე –10 ყველაზე მდიდარი ადამიანი გახდა.

ლარი პეიჯი: +18,7 მილიარდი დოლარი ლარი პეიჯი Alphabet- ის ყველაზე დიდი აქციონერია და 2019 წლის დეკემბრამდე აღმასრულებელი დირექტორის მოვალეობას ასრულებდა. 2020 წელს მისი ქონება 18,7 მილიარდი გაიზარდა. ამჟამად პეიჯი 83,3 მილიარდ დოლარს ფლობს.

სტივ ბალმერი: +19,2 მილიარდი დოლარი პადემიის დროს, შეიძლება ითქვას, რომ “მაიკროსოფტი“ აყვავდა. ამაში დიდი დამსახურება ვიდეო კონფერენციის აპს მიუძღვის, რომელიც საკმაოდ მოთხოვადი გახდა. ეს კი აშკარად ძალიან კარგი ამბავია ყოფილი აღმასრულებელი დირექტორისა და ძირითადი აქციონერის სტივ ბალმერისთვის, რომელიც 19,2 მილიარდი დოლარით გამდიდრდა. ამჟამად ბალმერის ღირებულება 77.3 მილიარდი დოლარია.

პონი მა: +20 მილიარდი დოლარი მა ჰუატენგი, ასევე ცნობილი როგორც პონი მა, ტექნიკური კონგლომერატის Tencent– ის თავმჯდომარე და ძირითადი აქციონერია. ეს არის ჩინეთის ერთ-ერთი ყველაზე წარმატებული კომპანია, რომელიც ფლობს ბიზნესებს, როგორიცაა სოციალური შეტყობინებების პროგრამა WeChat. ჩინეთის უმდიდრესი ადამიანის ქონება პანდემიის დროს კიდევ უფრო გაიზარდა. 2020 წელს პონი მამ 20 მილიარდი დოლარის მოგება მიიღო, ახლა ის 58,3 მილიარდი დოლარის მფლობელია.

გაუტამ ადანი: +21,1 მილიარდი დოლარი გაუტამ ადანი Adani Group- ის დამფუძნებელი და თავმჯდომარეა, რომელსაც აქვს ინტერესები პორტების, ელექტროენერგიის, ნავთობისა და უძრავი ქონების სფეროებში. მისი ღირებულება დაახლოებით 500 მილიარდ დოლარს შეადგენს. 2020 წელს კონგლომერატის ფასი გაორმაგდა, ხოლო ადანის პირადი ქონება 21.1 მილიარდი დოლარით გაიზარდა. მთლიანმა კი ღირებულებამ 32.4 მილიარდი დოლარი შეადგინა. სექტემბერში ადანიმ მუმბაის საერთაშორისო აეროპორტის წილის უმრავლესობა შეიძინა.

მაკკენზი სკოტი: +22,8 მილიარდი დოლარი ამაზონის დამფუძნებელთან, აღმასრულებელ დირექტორთან და პრეზიდენტთან ჯეფ ბეზოსთან განქორწინების შემდეგ, მაკკენზი სკოტს კომპანიის 4% -იანი წილი ერგო. ელექტრონული კომერციის გიგანტი პანდემიის დროს ვარსკვლავური გაყიდვებით სარგებლობდა, რამაც კოლოსალური მოგება გამოიწვია. სკოტის პირადი ქონება 2020 წელს 22,8 მილიარდი დოლარით გაიზარდა და საერთო ჯამში 59,9 მილიარდი შეადგინა.

მარკ ცუკერბერგი: +25,3 მილიარდი დოლარი Facebook, რომელიც ასევე შეტყობინებების პლატფორმა WhatsApp- ს და Instagram- ს ფლობს, პანდემიის დროს ყველაზე გამოყენებადი აპი იყო. ამ წლის მეორე კვარტლის ბოლოს მისი საფონდო ფასი 11% -ით გაიზარდა. მარკ ცუკერბერგის ქონება 2020 წლის დასაწყისიდან 25,3 მილიარდი დოლარით მეტი გახდა. ახლა ის 104 მილიარდ დოლარს ფლობს.

ჯეფ ბეზოსი: +67,9 მილიარდი დოლარი ჯეფ ბეზოსმა 2020 წლის ყველაზე დიდი გამარჯვებული მილიარდერის ტიტული მიიღო. ამაზონის აქციების ფასმა 2 სექტემბერს რეკორდი მოხსნა, თითო აქცია დაახლოებით 3500 დოლარი ღირდა. მსოფლიოში უმდიდრესი ადამიანის, ბეზოსის ქონება 67,9 მილიარდი დოლარით გაიზარდა. ამჟამად ბეზოსი 183 მილიარდი დოლარს ფლობს.

ილონ მასკი: +120 მილიარდი დოლარი მილიადრერებს შორის უდიდესი ფინანსური ნახტომი ილონ მასკს ეკუთვის. ამ წლის განმავლობაში Tesla- ს აქციები ბრწყინვალედ მუშაობდა. სამხრეთ აფრიკაში დაბადებული მილიარდერი ადამიანი ბლუმბერგის მილიარდერების ინდექსში მსოფლიოში მეორე მდიდარი გახდა. 2020 წელს მისი ქონება 120 მილიარდი დოლარით გაიზარდა. Bloomberg– ის მონაცემებით, ახლა ის $148 მილიარდს ფლობს.

განაგრძერთ კითხვა