საწარმოო დანიშნულების ძირითადი საშუალებების იმპორტი დღგ-ს გადასახადისგან გათავისუფლდება
ძირითადი საშუალებების იმპორტი დღგ-ს გადასახადისგან სრულად გათავისუფლდება, თუ იმპორტი დამატებითი ღირებულების შექმნას ხმარდება, - ამის შესახებ პერმიერ-მინისტრმა გიორგი კვირიკაშვილმა მთავრობის დღევანდელ სხდომაზე განაცხადა.
როგორც პრემიერ-მინისტრმა აღნიშნა, "საგადასახადო კოდექსში" შესაბამისი ცვლილებები 4-პუნქტიანი პროგრამის ფარგლებში განხორციელდება.
"ძალიან მნიშვნელოვანი ცვლილება შემოგვაქვს "საგადასახადო კოდექსში". ეს არის საწარმოო დანიშნულების ძირითადი საშუალებების ჩამონათვალი, რომლის იმპორტი სრულად გათავისუფლდება დღგ-ს გადასახადისგან, იმ შემთხვევაში, თუ ეს იმპორტი ხმარდება დამატებითი ღირებულების შექმნას.
ეს არის ძალიან მნიშვნელოვანი ნაბიჯი 4-პუნქტიანი პროგრამის ფარგლებში, იმ საგადასახადო ცვლილებების, რომელიც ჩვენ დავიწყეთ ნაწილობრივ და ეს გაგრძელებაა ამ ძალიან მნიშვნელოვანი რეფორმის, რომელიც ემსახურება საქართველოში სამეწარმეო გარემოს გაუმჯობესებას და ბიზნესის კეთების გაიოლებას", - განაცხადა გიორგი კვირიკაშვილმა.