"ეჭვიანობის ეროვნულ დღე" - დრო როდესაც ცნობილი ხდება, რა ანაზღაურებას იღებს ნებისმიერი ფინელი | Allnews.Ge

"ეჭვიანობის ეროვნულ დღე" - დრო როდესაც ცნობილი ხდება, რა ანაზღაურებას იღებს ნებისმიერი ფინელი

ფინეთში ერთ კონკრეტულ დღეს ყველა ადამიანის გადასახადების გადახდასთან დაკავშირებული ინფორმაცია ქვეყნდება. ამ დღეს ფინელები "ეჭვიანობის ეროვნულ დღეს" უწოდებენ. New York Times-ის ინფორმაციით, პირველ ნოემბერს დილის 8 საათზე ყველა ადამიანის გადასახადის გადახდასთან დაკავშირებული დეტალები ქვეყნდება. ასე რომ, ნებისმიერ ადამიანს შეუძლია, ნახოს თუ რა რაოდენობის გადასახადს იხდის სხვა კონკრეტული ადამიანი, დაწყებული მეზობლებით დასრულებული ქვეყნის წამყვანი ბიზნესმენებითა და პოლიტიკოსებით, სახელმწიფო ბიუჯეტში.

ამ დროს ტაბლოიდები თავის ყურადღებას მდიდრებსა და ცნობილებზე აჩერებენ და გადასახადების გადახდაზე თავის არიდების ფაქტებს ავლენენ და ააშკარავებენ.

"ეჭვიანობის ეროვნულ დღეს" კონკრეტული კომპანიის თანამშრომლებს შეუძლიათ გაიგონ, რამდენს გამოიმუშავებენ მათი კოლეგები ან როგორია ანაზღაურება სხვა კომპანიაში. ამგვარად ფინელებს ნათლად შეუძლიათ დაინახონ განსხვავება მდიდრებსა და ღარიბებს შორის.

გადასახადების გასაჯაროვების მომხრეები ამბობენ, რომ სხვა დადებით მხარეებთან ერთად ეს პროცესი ხელს უწყობს გენდერული ნიშნით ანაზღაურებებს შორის არსებული სხვაობის შემცირებასაც. თუმცა მკვლევარები მიიჩნევენ, რომ ანაზღაურების ოდენობის გასაჯაროვება მოსახლეობაში დაუკმაყოფილებლობის გრძნობას გამოიწვევს.

myquiz