ფსიქოლოგების დასკვნით, წყვილის პირველმა სექსმა შესაძლოა, მათი ურთიერთობის ხანგრძლივობა განსაზღვროს | Allnews.Ge

ფსიქოლოგების დასკვნით, წყვილის პირველმა სექსმა შესაძლოა, მათი ურთიერთობის ხანგრძლივობა განსაზღვროს

წყვილის პირველმა სექსმა შესაძლოა, მათი ურთიერთობის ხანგრძლივობა განსაზღვროს. ასეთ დასკვნამდე ამერიკელი ფსიქოლოგები მივიდნენ.

კალიფორნიის უნივერსიტეტის ფსიქოლოგები ამტკიცებენ, რომ რაც უფრო კარგი იყო პირველი სექსი, მით მეტია შანსი, რომ ურთიერთობები ხანგრძლივი და სერიოზული აღმოჩნდეს.

დასკვნა მათ ჟურნალ Journal of Experimental Psychology: General-ში გამოაქვეყნეს.

კვლევის წამყვანმა ავტორმა პოლ ისტუიკმა და მისმა კოლეგებმა გამოკითხეს სხვადასხვა ასაკის 800-ზე მეტი ადამიანი, რომლებმაც ფსიქოლოგებს საკუთარი ხანმოკლე და ხანგრძლივი ურთიერთობების შესახებ დაწვრილებით უამბეს.

კვლევის ავტორები ამბობენ, რომ ხანმოკლე და ხანგრძლივი ურთიერთობები ყოველთვის ერთნაირად იწყება.

"როდესაც ადამიანი პარტნიორთან კარგ ღამეს ატარებს, მას ასეთი ურთიერთობების შენარჩუნება და განვითარება სურს. თუმცა, ნაკლებად დასამახსოვრებელი ღამის შემდეგ იგივე ადამიანები ნაკლებ ინტერესს იჩენდნენ და მათი ურთიერთობები მალევე მთავრდებოდა", - აცხადებს ისტუიკი.

ამგვარად, იმ ურთიერთობებს, რომლებშიც შთამბეჭდავი დასაწყისი და ორივე პარტნიორისთვის სასიამოვნო პირველი ღამე იყო, სერიოზული შედეგით დასრულების მეტი შანსი აქვს.

myquiz