რომელია ყველაზე დაბალანაზღაურებადი სამსახურები საქართველოში? | Allnews.Ge

რომელია ყველაზე დაბალანაზღაურებადი სამსახურები საქართველოში?

საქართველოში ყველაზე დაბალ ანაზღაურებას განათლების სფეროში იღებენ. სტატისტიკის ეროვნული სამსხურის 2018 წლის პირველი კვარტალის მონაცემების თანახმად, აღნიშნულ სფეროში დასაქმებულთა საშუალო თვიური ნომინალური ხელფასი 572,2 ლარია.

ყველაზე დაბალანაზღაურებადი სფეროების სიაში მოხვდა სოფლის მეურნეობაში, ნადირობასა და სატყეო მეურნეობაში დასაქმებულთა საშუალო თვიური ნომინალური ანაზღაურებაც, რაც 655,1 ლარს შეადგენს.

მომდევნო პოზიციას მომსახურების გაწევა იკავებს. ამ სფეროში დასაქმებულთა საშუალო ნომინალური ხელფასი 829,3 ლარი იყო, სასტუმროების და რესტორნების სფეროში დასაქმებულთა ანაზღაურება კი მიმდინარე წლის პირველ კვარტალში 853,6 ლარია.

რაც შეეხება გასულ წელს, ყველაზე დაბალ ანაზღაურებას ასევე განათლების სფეროში დასაქმებულები იღებდნენ, კერძოდ, 2017 წლის პირველი კვარტალის მონაცემებით, განათლების სფეროში დასაქმებულთა საშუალო თვიური ნომინალური ანაზღაურება 563,9 ლარს შეადგენა.

სხვა სფეროებთან შედარებით, ასევე ყველაზე დაბალ ანაზღაურებას იღებდნენ სოფლისა და სატყეო მეურნეობასა და ნადირობის სფეროში დასაქმებულები, რომელთა საშუალო თვიურმა ნომინალურმა ანაზღაურებამ 2017 წლის პირველ კვარტალში 657,9 ლარი შეადგინა. მესამე პოზიციას 2017 წელს სასტუმროებისა და რესტორნებში დასაქმებულები იკავებდნენ, გასული წლის პირველ კვარტალში, მათი საშუალო თვიური ანაზღაურება 740,7 ლარს შეადგენდა.

მეოთხე პოზიცია კი 2017 წელს მომსახურების გაწევის სფერომ დაიკავა. სტატისტიკის ეროვნული სამსახურის მონაცემებით, ამ სფეროში დასაქმებულთა საშუალო თვიური ნომინალური ანაზღაურება 2017 წლის პირველ კვარტალში 781,9 ლარს შეადგენდა.

myquiz