როდის გაიხსნება ახალი სავაჭრო ცენტრი რუსთაველზე? - ამ ეტაპზე მიმდინარეობს მაღაზიების რემონტი | Allnews.Ge

როდის გაიხსნება ახალი სავაჭრო ცენტრი რუსთაველზე? - ამ ეტაპზე მიმდინარეობს მაღაზიების რემონტი

სავაჭრო ცენტრის, "გალერია თბილისის" სამშენებლო სამუშაოების ძირითადი ნაწილი უკვე დასრულდა, მისი გახსნის თარიღი კი უახლოეს მომავალში გახდება ცნობილი.

როგორც "გალერია თბილისში" განმარტავენ, სავაჭრო ცენტრის სამშენებლო სამუშაოები გეგმის შესაბამისად მიმდინარეობს, – "ამჟამად ძირითადი სამშენებლო სამუშაოების 99% დასრულებულია და მიმდინარეობს მაღაზიების რემონტი. გახსნის თარიღს კი მალე დავაანონსებთ",  – განმარტავენ "გალერია თბილისში".

ცენტრი 100–მდე ბრენდს გააერთიანებს, მათ შორის Armani Exchange, Calvin Klein Jeans, IKKS ქალის, მამაკაცისა და ბავშვის ხაზით.

გარდა ამისა, "გალერია თბილისში" წარმოდგენილი იქნება Lacoste, Guess, United Colors of Benetton, Trussardi, Stenders. ცენტრში განთავსდება H&M-ის მაღაზიაც.

ცენტრის ინფორმაციით, "გალერია თბილისში" საქართველოში Apple-ის პირველი პრემიუმ რისელერის მაღაზია გაიხსნება.

შენობის ბოლო სართულზე ექვსდარბაზიანი კინოთეატრი და ბოულინგის კლუბი განთავსდება.

myquiz