საქართველოში საშუალო ხელფასი 1071 ლარია
საქართველოში დასაქმებულთა საშუალო თვიური ანაზღაურება 2017 წლის მეორე კვარტლის მონაცემებით 1071 ლარია, - ასეთია საქართველოს სტატისტიკის ეროვნული სამსახურის ბოლო მონაცემები.
საქსტატის ინფორმაციით, საშუალო ხელფასი წლის მეორე კვარტალში პირველ კვარტალთან შედარებით 81,7 ლარით გაიზარდა, რადგან 2017 წლის პირველ სამ თვეში საშუალო ხელფასი 989,4 ლარი იყო.
2017 წლის პირველი კვარტლის მონაცემების მიხედვით, ყველაზე მაღალანაზღაურებადი საფინანსო სფერო იყო, სადაც საშუალო თვიური ნომინალური ხელფასი 1907 ლარს შეადგენდა. აღნიშნული სფერო ლიდერობს მეორე კვარტალშიც, იმ განსხვავებით, რომ საშუალო თვიური ანაზღაურება ამ სექტორში მკვეთრად გაიზარდა და 2 357.8 ლარს მიაღწია.
წელს ყველაზე დაბალანაზღაურებადი განათლების სფეროა. აქ დასაქმებული ადამიანის საშუალო ხელფასი პირველ კვარტალში 563,9 ლარი იყო, მეორე კვარტალში კი მხოლოდ 583 ლარამდე გაიზარდა.